Дар нахустин қувваозмоиҳои Чемпионати Осиё оид ба бокс миёни наврасон ду муштзани тоҷик бар рақибони худ дастболо шуданд.
Чемпионати Осиё 10-уми октябр дар шаҳри Фуҷайраи Амороти Муттаҳидаи Араб оғоз шуд. Дар рӯзи аввали мусобиқа 4 варзишгари тоҷик муҳориба карданд ва ду нафари онҳо ғалаба ба даст оварданд.
Бино ба иттилои Кумитаи миллии олимпии Тоҷикистон, дар вазни 52кг Абубакр Муродов бар Адилет Омуров аз Қирғизистон бо ҳисоби 4:1, инчунин дар вазни 57кг Довуд Маҳкамов бар варзишгари дигари Қирғизистон Йирискелдӣ Эмирбек бо ҳисоби 4:0 пирӯз шуданд.
Ду варзишгари дигари тоҷик Абубакр Юнусов дар вазни +80кг аз ҳарифи қирғизистониаш Арген Бактибеков, инчунин Бахтовар Далиев дар вазни 63кг аз ҳарифи чиниаш Синран Жао мағлуб гардиданд.
Аввалин муҳорибаҳои худро варзишгарони дигари мо Баҳоваддин Солеҳов муқобили Абдулла Патиев аз Қазоқистон дар вазни 50кг, инчунин Фирдавс Рустамов муқобили По-Ҳао Ҳсу аз Тайпейи Чин дар вазни 46кг имрӯз доир мекунанд.
Абубакр Муродов дар даври дуюм бо Ҷунҳо Ким аз Кореяи Ҷанубӣ вориди ринг мешавад.
Ёдрас мекунем, дар ин мусобиқа, ки то 17-уми октябр идома меёбад, 239 варзишгар аз 26 кишвари қораи Осиё дар 26 категорияи вазнӣ – 13 вазн миёни писарон ва 13 вазн миёни духтарон – барои ба даст овардани ҷойҳои ифтихорӣ талош мекунанд. Аз ҷумҳурии мо 11 варзишгар – 10 писар ва 1 духтар ба АМА сафарбар шудаанд, ки дар 11 вазн муҳориба мекунанд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Кулли ахбор
Авторизуйтесь, пожалуйста