Темур Раҳимов паҳлавони маъруфи тоҷик дар мусобиқоти ҷудои Antalya Grand Slam 2022, ки рӯзҳои 1-3 апрел баргузор шуд, медали биринҷӣ ва мақоми сеюм ба даст овард. Шаш паҳлавони дигари тоҷик дар ин мусобиқот ноком шуданд.
Паҳлавони сангинвазни тоҷик Темур Раҳимов дар вазни + 100 кг дар ин мусобиқот пас аз шикаст додани Грегори Приори амрикоӣ ва Магомедумар Магомедови доғистонитар, ки Аморати Муттаҳидаи Арабро намояндагӣ мекард дар даври чорякниҳоӣ аз паҳлавони маҷористонӣ Ричард Сипоч дар марҳилаи имтиёзи тиллоӣ бо гирифтани шидои сеюм шикаст хӯрд.
Дар даври шонси муҷаддад ё тасаллобахш паҳлавони тоҷик бар Ушанги Кокаурии озарӣ пирӯз шуд ва ба рақобатҳои дарёфти медали биринҷӣ роҳ пайдо кард. Дар рақобатҳои дарёфти медали биринҷӣ Темур Раҳимов Ҷозеф Терҳеки фаронсавиро шикаст дод.
Паҳлавони дигари номошнои тоҷик Комроншоҳ Устопириён пас аз шикаст додани Руфат Исмоилови озарӣ ва Дэвис Кламмерти чехӣ ба даври чорякниҳоӣ расид. Аммо дар чорякниҳоӣ аз Лука Майсурадзеи гурҷӣ шикаст хӯрд ва дар даври шонси муҷаддад ҳам Луис Крёбер Гагнон - намояндаи Канада шикаст хӯрд.
Паҳлавонони дигари тоҷик дар марҳилаҳои муқаддамотӣ ва даври дувум ба шикаст мувоҷеҳ шуданд.
Ба ҷуз Комроншоҳ Устопириён ва Темур Раҳимов Тоҷикистонро дар ин мусобиқот ҷудокороне чун Меҳрзод Суфиев (-60кг), Абубакр Шеров ва Шаҳзод Саидабуроров (ҳарду дар вазни -66кг), Сомон Маҳмадбеков (-73кг), Ҷаҳонгир Маҷидов (-90кг) ва Абубакри Акобир (-100кг) намояндагӣ карда буданд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
“Билетҳоро бозпас медиҳанд”. Парвози тоҷикон ба Русия кам шудааст
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Кулли ахбор
Авторизуйтесь, пожалуйста