Душанбе. 8-уми август. ОИ «Азия-Плюс» - Сардори Раёсати чорводорӣ, моҳипарварӣ, паррандапарварӣ ва занбӯриасалпарварии Вазорати кишвоарзии Тоҷикистон Музаффар Мирзоев ба мухбири ОИ «Азия-Плюс» изҳор дошт, ки вазорат барои рушди соҳаи занбӯриасалпарварӣ аз Русия ба маблағи беш аз 86 ҳазор сомонӣ таҷҳизоти истеҳсоли асал дастрас кард.
Ба гуфтаи ӯ, бо дастгирии ҳукумат соли равон 601 оилаи занбӯри асал харидорӣ гардида, дар натиҷаи нигоҳубини хуби Корхонаи воҳиди давлатии «Асали Тоҷикистон» он ба 1 ҳазору 327 адад расид. Дар маҷмӯъ, дар ҳафт иттиҳодияҳои занбӯриасалпарварӣ ва хоҷагиҳои ҷумҳурӣ то 119 ҳазор оилаи занбӯриасал мавҷуд буда, истеҳсоли асал дар нимсолаи аввал беш аз 280 тоннаро ташкил дод.
Дар ҳамин ҳол, мавсуф зикр кард, ки дар чаҳорчӯбаи ҳамкориҳои Тоҷикистону Қатар ҳукумат оид ба таъсиси корхонаи муштараки истеҳсоли асали «Тоҷикистон-Қатар-асали» қарор қабул кард ва айни замон санадҳо ва заминаи ҳуқуқии ташкили он таҳия мегарданд.
«Тибқи қарордод, дар марҳилаи аввал давлати Қатар ният дорад, ба рушди соҳаи занбӯриасалпарварӣ 2 миллион доллари амрикоӣ сармоягузорӣ намояд, - идома дод ӯ. - Мо дархост намудем, ки таҷҳизоти махсуси олмонии истеҳсоли асал харидорӣ карда шавад, зеро ба воситаи он сифатнокӣ ва таркиби маҳсулот дақиқ мушаххас мегардад».
Вай баён дошт, ки таҷҳизоти номбурда имкон медиҳад, ки асали истеҳсоли Тоҷикистон аз рӯи талаботи меъёрҳои байнулмилалӣ баҳогузорӣ шуда, мутаносибан бо нархи ҷаҳонӣ фурӯхта шавад. «Айни замон асали истеҳсоли Тоҷикистон танҳо дар минтақаи Осиё Марказӣ бо нархи хеле арзон фурӯхта мешавад», - афзуд М.Мирзоев.
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Кулли ахбор
Авторизуйтесь, пожалуйста