Дирӯз, 22-юми феврал, дар Осорхонаи миллии Тоҷикистон Рӯзи таъсиси Шоҳигарии Арабистони Саудӣ таҷлил карда шуд.
Дар маросими таҷлил Валид ибни Абдурраҳмон ар-Решайдон, сафири Шоҳигарии Арабистони Саудӣ дар Тоҷикистон, Обид Назариён, муовини якуми вазири фарҳанги Тоҷикистон, сафирону шахсони расмӣ ва дигар меҳмонон ҳузур доштанд.
“Таҷлили рӯзи таъсиси давлати Арабистони Саудӣ мояи ифтихор аз таърихи бостонии мо, ифтихор аз пешвоёну фидокориҳои онҳо буда, таҷассумгари садоқатест, ки мо ин кишвари саховатмандро танҳо бо он мешиносем”, - гуфт Валид ибни Абдурраҳмон ар-Решайдон.
Обид Назариён низ Шоҳигарии Арабистони Саудиро аз номи ҳукумати кишвар бо рӯзи таъсисёбӣ табрик гуфт.
Зимни чорабинӣ таъкид кардид, ки бо гузашти се аср, имрӯз Арабистони Саудӣ ба яке аз давлатҳои қудратманди минтақа табдил ёфта, амалигардонии лоиҳаҳои бузургро рӯйи даст гирифтааст. Аз ҷумла, барномаи вижаи “Дурнамои 2030”, ки аз ҷониби роҳбарияти ин кишвар пешниҳод шудааст, лоиҳаи бузург ва нодир дониста мешавад. Татбиқи он андешаҳоро оид ба Арабистони Саудӣ куллан тағйир хоҳад дод.
Бояд гуфт, ки давлати Арабистони Саудӣ 22-юми феврали соли 1727 таъсис ёфтааст.
Рӯзи таъсиси Шоҳигарии Арабистони Саудӣ бошад, шурӯъ аз соли 2022 бо фармони Ходими Ҳарамайни Шарифайн шоҳ Салмон ибни Абдулазиз, подшоҳи Шоҳигарии Арабистони Саудӣ таҷлил карда мешавад.
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Кулли ахбор
Авторизуйтесь, пожалуйста