Душанбе. 20-уми июн. «Азия-Плюс» — | Раиси Иттифоқи истеъмолгарони Тоҷикистон Баҳодур Ҳабибов бар ин назар аст, ки ташаббуси Хадамоти зиддиниҳисории назди ҳукумати ҷумҳурӣ бобати танзими нархҳо ба чанде аз маводи ғизоии мавриди ниёзи аввалия аз ҷониби ҳукумат метавонад ба камбуди он дар бозори дохилӣ боис гардад.
Ба қавли вай, дар кишварҳои гуногун дар мавриди зарурат аз чунин таҷриба кор гирифта шудааст, вале ин хароҷоти иловагӣ аз буҷаи ин кишварҳо ва дар навбати худ аз истеҳсолкунандагонро ҳам тақозо намудааст. «Солҳои сиюми қарни гузашта ҳукумати ИМА ба ширкатҳои бузурги истеҳсолкунанда кодекси тиҷорати боинсофу софдилонаро пешниҳод намуданд, то ки онҳо арзиши изофӣ дар фурӯши чаканаро беасос боло набаранд, вале ман боварӣ надорам, ки буҷаи Точикистон дар ин ҳолат хароҷоти истеҳсолкунандагонро ҷуброн карда тавонад, - мегӯяд ӯ. – Агар сухан сари танзими нархи маҳсулоти ватанӣ равад, онро чӣ гуна метавон анҷом дод? Қимати воқеъии маҳсулоти ватаниро чӣ гуна метавон коҳиш дод? Ба маҳсулоти воридотӣ мо метавонем танҳо андози дохилиро кам намоем».
Ба ақидаи Б.Ҳабибов, агар ҳукумат хароҷоти таъминкунандагони маҳсулотро ҷуброн карда натавонад, роҳандозии пешниҳоди хадамоти зиддиниҳисорӣ метавонад ба камбуди маҳсулот дар бозори дохилӣ оварда расонад. «Ҳатто овозаҳои ҷорисозии танзими нарх ба ин ё он маҳсулот ба он оварда мерасонад, ки воридоти ин навъи маҳсулот коҳиш меёбад, зеро тиҷорат қоидаву тартиботи худро дорад ва ҳеҷ кас ба зиёни худ кор нахоҳад кард», - афзуд номбурда.
Ёдрас мекунем, ки Хадамоти зиддиинҳисории назди ҳукумати кишвар ҷорӣ сохтани танзими давлатии нархҳо ба баъзе маҳсулоти мавриди ниёзи аввалия барои ҷомеаро пешниҳод сохтааст ва кормандони ин хадамот лоиҳаи муқаррарот, тартиби ташаккул ва истифодаи нархҳои озод ба маҳсулот ва навъҳои хизматгузориро таҳия кардаанд. Дар ин лоиҳа муқаррар кардани маблағи иловаи фурӯши чакана ба баъзе маҳсулот пешниҳод мегардад.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста