Айни замон корхонаи истеҳсоли сементи шаҳри Душанбе бо 30%-и иқтидораш кор мекунад.
Муовини директори КВД «Тоҷиксемент» Музаффар Ҳакимов дар сӯҳбат бо хабарнигори ОИ «Азия-Плюс» изҳор кард, ки феълан дар корхона ҳамарӯза то 900 тонна семент истеҳсол карда мешавад. Коҳиши ҳаҷми истеҳсолро номбурда ба ҳаҷми нокофии гази табиӣ марбут медонад.
«Тоҷиктрансгаз» ба корхонаи мо дар як соат 9 ҳазор метри мукааб газ интиқол медиҳад ва ин миқдор сӯзишворӣ танҳо барои кори ду оташдони бузург басанда аст», - гуфт ӯ.
Ба қавли номбурда, айни замон ҳатто ҳамин миқдор ҳаҷми истеҳсол низ имкон медиҳад, ки тамоми хоҳишмандон дар ҷумҳурӣ бо семент таъмин карда шаванд. «
«Корхона иншооти муҳими кишвар, аз ҷумла сохтмони нерӯгоҳи «Роғун» ва «Сангтӯда-2»-ро пурра бо семент таъмин менамояд», - мегӯяд ӯ.
Муовини директор ҳамчунин иттилоъ дод, ки то ҳанӯз дар корхона оташдони даврзананда, ки бо ангишт кор мекунад, насб нашудааст.
Ба истифода додани оташдони аввалини бо ангишт кормекарда дар «Тоҷиксемент» моҳи июли соли гузашта ба нақша гирифта шуда буд, вале Ҳакимов мегӯяд, бо сабабҳои техникӣ насби он то ҳанӯз мавқуф гузошта шудааст.
Ширкати русиягии «Sofo» (Красноярск) ҳанӯз соли гузашта ба корхона таҷҳизот барои насби оташдони гардишхӯрандаро оварда буд, аммо мутахассиони ширкати «Ҷун-Хао»-и Чин, ки бояд онро насб созанд, то ҳанӯз ба ин кор даст назадаанд. Ҳакимов дар рӯзҳои наздик ба корхона омадани коршиносони чиноиро аз эҳтимол дур намедонад.
КВД «Тоҷиксемент» барои гузаронидани як оташдон аз гази табиӣ ва ангишт қариб 7 млн. сомонӣ (ҳудуди 1,6 млн. $) маблағ масраф хоҳад кард.
Иқтидори КВД «Тоҷиксемент» истеҳсоли 1 млн. 100 ҳазор тонна семент дар як сол аст. Корхона дорои 4 оташдони бузурги гардишхӯранда бо иқтидори истеҳсолии ҳар кадоме 600 тонна дар як сол ва 2 оташдони хурд бо иқтидори истеҳсолии ҳар кадоме 300 тонна семент дар як сол аст.
Дар ҳамин ҳол, дар ноҳияи Ёвони вилояти Хатлон сохтмони боз як корхонаи бузурги истеҳсоли семент дар Тоҷикистон шурӯъ гардид, ки иқтидори истеҳсолии он ба 1 млн. тонна дар як сол баробар хоҳад буд.
Бино ба маълумоти Вазорати энергетика ва саноати ҷумҳурӣ, айни замон дар кишвар 6 корхонаи бузургу миёнаи истеҳсоли семент фаъолият доранд.
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Кулли ахбор
Авторизуйтесь, пожалуйста