Дар панҷумин Конфронси ҳамкориҳои минтақавии иқтисодӣ оид ба Афғонистон – RECCA, ки моҳи марти соли равон дар шаҳри Душанбе баргузор мешавад, баррасии лоиҳаҳои сохтмони роҳҳои оҳани нави минтақавӣ тавассути қаламрави Афғонистон, ки кишварҳои минтақаи Осиёи Марказиро бо Эрону Покистон мепайвандад, ба нақша гирифта шудааст.
«Интизор меравад, ки дар ҷараёни конфронс аз ҷониби Афғонистон ва кишварҳои ҳамҷавори он лоиҳаҳои мушаххаси сохтмони қитъаҳои роҳи оҳан, ки кишварҳои минтақаи Осиёи Марказиро бо Эрону Покистон мепайванданд, пешниҳод хоҳанд шуд, - гуфт имрӯз зимни брифинг сардори Раёсат оид ба кишварҳои Осиё ва Африқои Вазорати корҳои хориҷии Тоҷикистон Ардашер Қодирӣ. – Мо чунин лоиҳаҳоро аз Эрону Туркманистон, Афғонистон ва дигар кишварҳои минтақа интизорӣ дорем».
Ӯ изҳори боварӣ намуд, ки созмонҳои байнулмилалӣ ва кишварҳои ҷудогонаи иштирокчии конфронси Душанбе иштироки худ дар сохтмони роҳи оҳани минтақавиро тасдиқ хоҳанд кард. «Дар ҷараёни конфронси RECCA V ҳамчунин баррасии масъалаи истифодаи оби рӯдхонаи фаромарзии Амударё низ дар назар аст», - зикр кар А. Қодирӣ.
Ба гуфтаи вай, дар конфронси RECCA V-уми Душанбе масоили рушди иқтисодӣ тавассути бунёди инфраструктура (нақлиёт ва энергетика), рушди захираҳои инсонӣ тавассути пешбурди соҳаи маориф, таҳсилоти тахассусӣ ва омӯзиши касбӣ ва рушди соҳаҳои сармоягузорӣ, тиҷорат, транзит ва идораи сарҳадот дар маркази таваҷҷӯҳ қарор хоҳанд гирифт.
Бино ба маълумоти Вазорати корҳои хориҷӣ, Конфронси RECCA V рӯзҳои 26-27-уми март дар Душанбе баргузор мешавад. Таҳти сарварии муовини нахуствазири ҷумҳурӣ Муродалӣ Алимардон кумитаи тадорукотии конфронс таъсис дода шудааст. Дар конфронс иштироки намояндагони беш аз 70 кишвари дунё ва созмонҳои байнулмилалӣ дар назар аст.
Дар рӯзҳои баргузории конфронс ташкили Симпозиуми илмии байнулмилалӣ дар Душанбе пешбинӣ шудааст. То 10-уми март ташкили ҳамоиши тиҷоратии соҳибкорони кишварҳои иштирокчии конфронс ба нақша гирифта шудааст.
То ҳол чор конфронси RECCA гузаронида шудааст: соли 2005 дар Кобул, 2006 – дар Деҳлӣ, 2009 – дар Исломобод ва 2010 – дар Истанбул.
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Кулли ахбор
Авторизуйтесь, пожалуйста