Шурӯъ аз 1-уми январи соли 2011 Ӯзбекистон тарофаҳои боркашонии роҳи оҳан барои Тоҷикистонро 32% боло бурд.
Тавре ба ОИ «Азия-Плюс» аз КВД «Роҳи оҳани Тоҷикистон» хабар доданд, аз ҳисоби боло бурдани тарофаҳо ба ин андоза Ӯзбекистон ҳамасола 70 млн. доллари ИМА даромади иловагӣ ба даст хоҳад овард.
«Мо аз ҳамтоҳои ӯзбеки худ дархост кардем, ки тарофаҳо дар сатҳи моҳи декабри соли гузашта боқӣ монда шаванд, вале посухи мусбат нагирифтем», - гуфтанд дар корхонаи мазкур.
Аммо сарфи назар аз болоравии тарофаҳои транзитӣ, КВД «Роҳи оҳани Тоҷикистон» алҳол тарофаҳои худ барои боркашониро боло бурданӣ нест.
«Бо мақсади роҳ надодан ба болоравии нархҳо дар бозори дохилӣ, ин хароҷоти иловагиро мо аз ҳисоби худ пардохт хоҳем намуд», - гуфтанд дар ширкат.
Дар ҳамин ҳол, Тоҷикистон низ тарофаҳои боркашонии роҳи оҳан барои Ӯзбекистон дар қисмати роҳи оҳани вилояти Суғдро ба андозаи 32% боло мебарад.
Бино ба маълумоти КВД «Роҳи оҳани Тоҷикистон», масофаи роҳи оҳан дар қаламрави Ӯзбекистон, ки тавассути он транзити молу маҳсулоти Тоҷикистон сурат мегирад, 1,7 ҳазор километрро ташкил медиҳад. Масофаи транзити борҳои Ӯзбекистон тариқи роҳи оҳани Тоҷикистон бошад, ҳамагӣ ба 109 километр баробар аст.
Дар ширкат зикр карданд, ки то ҳол, қисмати роҳи оҳани вилояти Хатлони Тоҷикистон аз ҳамлу нақли бор бо хориҷи кишвар маҳрум аст.
«Масъалаи барқарор намудани қисмати роҳи оҳан дар мавзеи Амузанг-Ғалаба то ҳанӯз кушода боқӣ мемонад, - гуфт манбаъ. – Ҳамтоҳои ӯзбеки мо эътироф карданд, ки агар Хадамоти амнияти миллии Ӯзбекистон иҷозат диҳад, ин қисмати роҳро онҳо метавонанд дар муддати 2 шабонарӯз барқарор намоянд».
Бино ба маълумоти КВД «Роҳи оҳани Тоҷикистон», айни замон дар қаламрави Ӯзбекистон беш аз 300 вагонҳои молу маҳсулоти барои Тоҷикистон таъиншуда боздошта шудаанд.
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Кулли ахбор
Авторизуйтесь, пожалуйста