Дар минтақаи ҷануби Тоҷикистон сохтмони корхонаи коркарди нафт бо иқтидори 300 ҳазор тонна дар як сол ба нақша гирифта шудааст.
Тавре ба ОИ «Азия-Плюс» аз Вазорати энергетика ва саноати ҷумҳурӣ хабар доданд, моҳи июни соли равон ҳукумати кишвар дар ин хусус қарори дахлдор қабул намуда, айни замон корҳои омодагӣ барои оғози сохтмони корхона ҷараён доранд.
Дар Вазорати энергетика ва саноат зикр карданд, ки бо чанде аз кишварҳо доир ба таъмини корхонаи оянда бо нафти хом мувофиқа ҳосил шудааст.
Дар ҳамин ҳол, интизорӣ меравад, ки моҳи сентябри соли равон дар ноҳияи Шаҳринав корхонаи коркарди маҳсудоти нафтӣ бо иқтидори 50 ҳазор тонна дар як сол мавриди истифода қарор хоҳад гирифт. Минбаъд афзудани иқтидори ин корхона то коркарди 100 ҳазор тонна нафти хом дар назар аст.
Ба иттилои манбаъ, айни замон дар минтақаи шимоли ҷумҳурӣ сохтмони корхонаи коркарди нафт бо иқтидори 50 ҳазор тонна дар як сол идома дорад. Ин корхона дар Конибодом ба истифода дода мешавад.
Қобили зикр аст, ки айни замон талаботи Тоҷикистон ба маҳсулоти нафтӣ дар як сол беш аз 800 ҳазор тоннаро ташкил дода, ҳаҷми зиёди он аз Русия ворид карда мешавад.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста