Чанде қабл зимни мулоқоти сафири Тоҷикистон дар ИМА Нуриддин Шамсов бо директори иҷроияи Бонки ҷаҳонӣ Йорг Фриден масоили ҳамкории ҷонибҳо дар баргузории баҳогузориҳои техникию иқтисодӣ ва экологиву иҷтимоии нерӯгоҳи «Роғун» мавриди баррасӣ қарор гирифтанд.
Бино ба маълумоти Вазорати корҳои хориҷии ҷумҳурӣ, дар мулоқот зикр гардид, ки Тоҷикистон тамоми чорабиниҳои заруриро барои идомаи ҳамкорӣ бо Бонки ҷаҳонӣ дар ин самт иҷро кардааст ва ба бандҳои шартномаҳои қаблан бо Бонки ҷаҳонӣ баимзорасида эҳтиром мегузорад. Дар баробари ин, мавқеи Ҷумҳурии Тоҷикистон ба риояи талаботи Бонк ҷиҳати таъмини шаффофияти идоракунии корпоративӣ ва қоидаҳои амалкунандаи Бонки ҷаҳонӣ устувор мебошад.
Дипломати тоҷик таъкид кард, ки татбиқи лоиҳаи мазкур аз авлавиятҳои аввалиндараҷаи сиёсати ҳукумати кишвар маҳсуб гардида, бо мақсади баромадан аз бунбасти энергетикӣ, таъмини аҳолӣ бо қувваи барқ, махсусан дар фасли сармо, рушди бемайлони иқтисодии мамлакат ва кишварҳои минтақа буда, аз он ҷумла Афғонистон ва кишварҳои Осиёи ҷанубӣ муҳим ва зарур мебошад. Ҷумҳурии Тоҷикистон корҳои барқарорсозиро тибқи мувофиқаи қаблӣ бо мутахассисони Бонки ҷаҳонӣ, ки моҳи июли соли ҷорӣ ба даст оварда шуд, идома хоҳад дод.
Дар мулоқоти ҷонибҳо ҳамчунин масоили ҳамкориҳои дуҷониба дар самти коҳиши сатҳи камбизоатӣ дар Тоҷикистон, амалисозии лоиҳаҳо дар бахшҳои иқтисодиву иҷтимоӣ матраҳ шуданд.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста