Дар зарфи 10 моҳи соли равон Тоҷикистон ба хориҷи кишвар ба маблағи умумии ҳудуди 18 млн. $ нерӯи барқ содирот намуд.
Бино ба маълумоти Агентии омори ҷумҳурӣ, ҳаҷми зикршуда дар муқоиса бо ҳамин давраи соли гузашта қариб 6 маротиба зиёдтар аст. Дар зарфи 10 моҳи соли гузашта Тоҷикистон ба маблағи умумии тақрибан 3 млн. доллари ИМА нерӯи барқ содирот карда буд.
Дар давраи сипаришуда нерӯи барқи Тоҷикистон асосан ба кишвари ҳамсояи Афғонистон ва баъзан ба миқдори начандон зиёд ба Қазоқистону Қирғизистон низ содирот гардидааст. Дар мавсими тобистон тавассути хатҳои барқи Қирғизистон аз Тоҷикистон ба Қазоқистон шабонарӯзӣ то 500 кВт/соат нерӯи барқ интиқол дода мешуд.
То аввали моҳи октябри соли ҷорӣ тавассути хатти интиқоли барқи «Сангтӯда-Пули Хумрӣ» ширкати «Барқи тоҷик» ба Афғонистон шабонарӯзӣ бо қимати 3,57 сент барои 1 кВт/соат то 3 млн. кВт/соат нерӯи барқ интиқол медод.
Дар ширкати «Барқи тоҷик» мегӯянд, бо фарорасии мавсими тирамоҳу зимистон ҷумҳурӣ ба норасоии нерӯи барқ дучор гардида, дар ин робита интиқоли ҳаҷми зиёди он ба Афғонистон қатъ карда шуд. Бино ба маълумоти ширкати «Барқи тоҷик», феълан тавассути хатти интиқоли барқи «Сангтӯда-Пули Хумрӣ» шабонарӯзӣ ҳамагӣ 10-15 МВт шиддати ҷараёни нигоҳдории муҳофизатӣ мегузарад.
Тибқи маълумоти Агентии омори кишвар, моҳи октябри соли равон дар Тоҷикистон беш аз 1,1 млрд. кВт/соат нерӯи барқ истеҳсол шудааст, ки ба ҳисоби миёна 38 млн. кВт/соат дар як шабонарӯз рост меояд. Дар маҷмӯъ тӯли моҳҳои январ-октябри соли равон дар ҷумҳурӣ зиёда аз 14,1 млрд. кВт/соат нерӯи барқ тавлид гардидааст (ба ҳисоби миёна 46 млн. кВт/соат дар як шабонарӯз).
Бино ба маълумоти ширкати «Барқи тоҷик», ҳаҷми камбуди нерӯи барқ дар Тоҷикистон дар мавсими тирамоҳу зимистон ҳудуди 3 млрд. кВт/соатро ташкил медиҳад.
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Сафири Британияи Кабир дар Тоҷикистон иваз шуд
Тоҷикистониён кадом расонаҳоро бештар пайгирӣ мекунанд?
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
Кулли ахбор
Авторизуйтесь, пожалуйста