Тоҷикистону Русия то ҳанӯз оид ба чанде аз бандҳои Созишнома дар бораи воридоти маҳсулоти нафтии Русия ба Тоҷикистон бидуни пардохти боҷи содиротӣ ба мувофиқа расида наметавонанд.
Тавре ба ОИ «Азия-Плюс» аз Вазорати энергетика ва саноати ҷумҳурӣ хабар доданд, аввали моҳи равон дар вохӯрӣ бо намояндагони Вазорати энергетикаи Русия бо назардошти пешниҳоду мулоҳизаи ҷонибҳо лоиҳаи созишнома дубора тасҳеҳ шуда, вале ҷонибҳо аз рӯи чанде аз бандҳо, аз ҷумла муҳлати оғози амали созишнома, манъи воридоти дубораи маҳсулоти нафтии истеҳсоли Русия аз кишварҳои узви Иттиҳоди гумрукӣ (реимпорт) ва ҳамчунин таъмини дахолатнопазирӣ ва имтиёзот ба субъектҳои хоҷагидории Русия дар қаламрави ҶТ ба созиш омада натавонистаанд.
Ба иттилои манбаъ, мувофиқи банди шашуми созишнома, аз ҷониби Русия Тоҷикистон ҳамасола дар ҳаҷми 1 млн. тонна бо маҳсулоти нафтӣ бидуни пардохти боҷи содиротӣ таъмин карда мешавад, ки набояд дубора ба кишварҳои сеюм содирот (реэкспорт) гарданд.
«Соли оянда талаботи Тоҷикистон ба маҳсулоти нафтӣ 1 млн. 605 ҳазор тоннаро ташкил дода, 1 млн. тонна аз Русия ва 605 ҳазор тоннаи боқимонда аз кишварҳои дигар ворид карда хоҳад шуд, ки маҳсулоти нафтиашон хушсифат ва аз ҷиҳати арзиш қобили қабул бошанд», - гуфт манбаъ.
Зимнан зикр гардид, ки пас аз имзои созишнома, ширкатҳои машғул ба воридоти маҳсулоти нафтии Тоҷикистон дар асоси рақобатпазирии солим ва бидуни монеъа метавонанд ба фаъолияти худ идома диҳанд.
Ёдрас мекунем, ки аввали моҳи октябр миёни Тоҷикистону Русия дар бораи воридоти маҳсулоти нафтии Русия ба Тоҷикистон бидуни пардохти боҷи содиротӣ Ёддошти тафоҳум ба имзо расид.
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Сафири Британияи Кабир дар Тоҷикистон иваз шуд
Тоҷикистониён кадом расонаҳоро бештар пайгирӣ мекунанд?
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
Кулли ахбор
Авторизуйтесь, пожалуйста