Ширкати «Марвис»-и Сингапур шартҳои иҷозатнома оид ба баргузории корҳои иктишофӣ дар ду кони нафту гази Тоҷикистонро ба иҷро нарасонида, аз он маҳрум карда мешавад.
Сардори Саридораи геологияи назди ҳукумати ҶТ Азим Иброҳим зимни нишасти хабарӣ дар ин робита изҳор намуд, ки инҷо сухан сари иктишофи сатҳи поёнии конҳои «Қизил тумшуқ» ва «Гулдара»-и воқеъ дар ҷануби ҷумҳурӣ меравад ва ширкати «Марвис» барои корҳои иктишофӣ дар онҳо ҳанӯз чор сол қабл иҷозатнома гирифта будааст.
«Мо чандин маротиба ҷиҳати оғози корҳо ба онҳо муроҷиат карда, супориши ҳукумат дар бораи бозхонди иҷозатномаро ба онҳо фиристодем, вале аз онҳо ҳеҷ посухе нагирифтем ва ояндаи наздик тариқи суд иҷозатномаро бозпас хоҳем гирифт», - гуфт вай.
Азим Иброҳим аз фаъолияти ширкати Gazprom International дар майдони нафтугаздори Сариқамиш дар минтақаи ҷанубу ғарби Тоҷикистон изҳори қаноатмандӣ намуд. Тибқи маълумоти ахир, дар чоҳи кофтуковии «Шаҳринав-1п»-и ин минтақа аз чуқурии нақшавии 6,5 ҳазор метр беш аз 5,5 ҳазораш парма шудааст. «Бо анҷоми корҳои пармакунӣ дар ин чоҳ захираҳои газ муайян шуда, чоҳи истифодабарӣ насб ва истихроҷи газ шурӯъ мегардад», - гуфт ӯ.
Номбурда ҳамчунин изҳор кард, ки соли 2012 барои анҷоми корҳои иктишофи геологӣ дар ҷумҳурӣ зиёда аз 800 млн. сомонӣ маблағ ҷалб гардида, беш аз 700 млн. сомонии он ба соҳаи нафту газ равона шудааст. «Ҳаҷми истихроҷи нафту гази дохилӣ ҳамагӣ 5%-и талаботи умумии ҷумҳуриро қонеъ месозанд», - афзуд А.Иброҳим.
Ҳанӯз дар даврони шӯравӣ маълумоте ба даст оварда шуда буд, ки мувофиқи он, дар Тоҷикистон захираи 113 млн. тонна нафт ва 863 млрд. метри мукааб гази табиӣ мавҷуданд.
Конҳои «Супетау» дар вилояти Суғд, «Қашкокум», «Ренган», «Олимтой», «Саргазон» ва «Ялгизкак» дар минтақаи ҷанубу ғарби кишвар аз минтақаҳои ояндадори истихроҷи нафту гази Тоҷикистон арзёбӣ мешаванд. Айни замон дар 4 кон – «Қизил-Тумшуқ», «Хоҷа Сартез» ва «Биштинчак» дар минтақаи ҷануб ва «Ниёзбек» дар шимол корҳои иктишофӣ ба роҳ монда шудаанд.
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Сафири Британияи Кабир дар Тоҷикистон иваз шуд
Тоҷикистониён кадом расонаҳоро бештар пайгирӣ мекунанд?
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
Кулли ахбор
Авторизуйтесь, пожалуйста