Зимни сухани ифтитоҳӣ дар кори ҷаласаи 38-уми Шӯрои мудирони Бонки исломии рушд (БИР) дар Душанбе президенти Тоҷикистон Эмомалӣ Раҳмон таваҷҷуҳи намояндагони кишварҳои узви бонкро ба як қатор лоиҳаҳои сармоягузории минтақавӣ ҷалб намуд.
«Ба андешаи мо, ба шумули чунин лоиҳаҳои сармоягузорие, ки бояд ба он таваҷҷуҳи хос зоҳир шавад, пеш аз ҳама, лоиҳаи CASA-1000 - хатти барқе, ки имконияти аз кишварҳои узви БИР - Тоҷикистону Қирғизистон ба Афғонистону Покистон интиқол додани нерӯи барқро дорад ва ҳамчунин бунёди роҳи оҳани пайвасткунандаи Туркманистон, Афғонистон ва Тоҷикистон, лоиҳаи сармоягузорӣ дар мавриди сохтмони роҳи мошингарди Душанбе – Кӯлоб – Кулма –Қароқурум мебошад», - гуфт ӯ.
Эмомалӣ Раҳмон таъкид намуд, ки лоиҳаҳои зикршуда ҷавобгӯи манфиатҳои на танҳо кишварҳои татбиқкунандаи онҳо, балки дар маҷмӯъ ба фоидаи кулли давлатҳои аъзои Гурӯҳи БИР мебошанд ва изҳори итминон кард, ки бонк дар ин замина кӯмаки худро ҷиҳати ба охир расонидани лоиҳаҳои мазкур дареғ намедорад.
Президенти Тоҷикистон зикр кард, ки Тоҷикистон моҳи декбари соли 1996 ба узвияти БИР пазируфта шуд. Бастаи лоиҳаҳои муштараки Тоҷикистону БИР аз 23 лоиҳа ба маблағи умумии 191,1 млн. доллари ИМА иборат буда, 15 лоиҳа ба маблағи 4,5 млн. доллари ИМА барои кӯмаки техникии марбут ба таҳияи тарҳи фанниву иқтисодии лоиҳаҳо ва беҳбуди имконоти сохторҳои давлатӣ равона шудаанд.
Тамокукашӣ ва вазни зиёдатӣ: чӣ гуна бо одатҳои бад метавон аз саратон пешгирӣ кард?
Даст ба ҷайби мардум? Ва ё чаро ҳизбҳои сиёсӣ набояд аз буҷети давлат маблағгузорӣ шаванд?
Бонки миллии Тоҷикистон ва Бонки марказии Ӯзбекистон созишномаи ҳамкорӣ ба имзо расониданд
Ҳукми қатли Бобаки Занҷонӣ бекор шуд. Ӯ кист ва бо Тоҷикистон чӣ иртибот дорад?
Дар “Хуҷанд” маош намедиҳанд. Посухи сармураббӣ
Тоҷикистон барои шаҳрвандони 25 кишвари дигар низоми раводидро бекор кард
“Аз фурудгоҳ ихроҷ карданд, сабабашро нагуфтанд”. Русия садҳо муҳоҷири тоҷикро ихроҷ кардааст
Сироҷиддин Муҳриддин гуфтааст, изҳороти Сергей Лавров “бо вазъи воқеӣ мувофиқат намекунад”
Даргузашти муҷассамасози шинохта Игор Иванов
Баъди супоридани нота Сергей Лавров ба Сироҷиддин Муҳриддин занг зад
Кулли ахбор
Авторизуйтесь, пожалуйста