Имрӯз, 30-юми апрел, Сергей Лавров, вазири корҳои хориҷии Русия ба Сироҷиддин Муҳриддин, вазири корҳои хориҷии Тоҷикистон занг зад. Дар ин бора аз ВКХ-и Тоҷикистон ба “Азия-Плюс” хабар доданд.
Аммо муҳтавои суҳбати ду вазир ошкор намешавад. Аз вазорат гуфтанд, дертар тафсилоти суҳбатро шарҳ хоҳанд дод.
Бояд гуфт, ки Сергей Лавров ба ҳамтои тоҷикаш Сироҷиддин Муҳриддин баъди як рӯзи супориданни нотаи эътирозӣ занг зад.
Дирӯз, 29-уми апрел, ВКХ-и Тоҷикистон сафири Русия дар Тоҷикистон Сергей Григоревро даъват карда, дар робита ба банд мондани садҳо шаҳрвандони Тоҷикистон дар фурудгоҳҳо ва дигар гузаргоҳҳои сарҳадии Русия, инчунин поймол шудани ҳуқуқ ва озодиҳои онҳо нотаи эътирозӣ супорида буд.
Дар нотаи эътирозӣ омада буд, ки “ин гуна амалҳо танҳо нисбати шаҳрвандони Тоҷикистон татбиқ мешаванд, ки ин ба рӯҳ ва анъанаҳои муносибатҳои Тоҷикистону Русия комилан мувофиқ нест”.
Аз ин пештар, рӯзи 26-уми апрел, дар пайи банд мондани садҳо тоҷик дар сарҳади Қазоқистону Русия низ сафири Русия дар Тоҷикистон Сергей Григорев ба ВКХ давъат шуда буд. Он вақт ҳам ба сафир нигаронии ҷониби Тоҷикистон дар робита ба эҷоди мушкил дар вуруди шаҳрвандонаш ба Русия расонида шуд.
Бояд гуфт, ки тайи чанд рӯзи охир садҳо шаҳрванди Тоҷикистон дар фурудгоҳҳо ва гузаргоҳҳои заминии Русия банд мондаанд. Маъмурони марзии Русия онҳоро мӯшикофона тафтиш ва бархеҳоро умуман иҷоза надода, дубора ихроҷ мекунанд.
Ёдовар мешавем, ки рӯзи 28-уми апрел Вазорати корҳои хориҷии Русия ба таври расмӣ дар гузаргоҳҳои марзии Русия муддати тӯлонӣ маътал шудани шаҳрвандони хориҷиро бо “чораҳои пешгирӣ аз терроризм” алоқаманд кард ва умедвори “ҳусни тафоҳум” дар ин бобат шуд.
Ҷониби Русия он вақт гуфт, ки “чунин иқдомот табиати муваққатӣ дошта, сарфи назар аз миллияти шахсоне, ки вориди кишвар мешаванд, сурат мегиранд”.
Дар пайи ин ВКХ-и Тоҷикистон ба шаҳрвандони кишвар тавсия медиҳад, ки бе зарурат муваққатан аз рафтан ба Русия худдорӣ кунанд.
Гуфтан ба маврид аст, ки Русия дар аксари ҳолатҳои ҳассос аз муҳоҷирони тоҷик чун фишанги муҳими таъсиррасонӣ болои Тоҷикистон барои амалисозии ҳадафҳои худ истифода кардааст. Дар ин бора аз матлаби “Фишанги №1”. Русия бо “шикор”-и муҳоҷирони тоҷик аз Тоҷикистон чӣ мехоҳад?” маълумоти бештар пайдо кунед.
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Як додраси тоҷик ба гирифтани қариб 129 ҳазор сомонӣ пора муттаҳам дониста мешавад
Кулли ахбор
Авторизуйтесь, пожалуйста