Президенти Бонки исломии рушд (БИР) Аҳмад Муҳаммад Алӣ изҳор намуд, ки бонк ба сохтмони роҳи оҳани минтақавии Тоҷикистон-Афғонистон-Туркманистон кумак ҳохад кард.
«Ин лоиҳаи муҳими минтақавӣ буда, мо ба амалисозии лоиҳаҳое, ки на танҳо барои кишвар манфиатоваранд, таваҷҷуҳ дорем», - иброз дошт ӯ бо натиҷагирӣ аз ҷаласаи навбатии Шӯрои мудирони ИБР дар Душанбе.
Президенти БИР зикр кард, ки дар Туркманистон аллакай аз ҳисоби воситаҳои худӣ ба сохтмони қитъаи роҳи оҳани ин кишвар оғоз кардаанд.
«Ояндаи наздик мо масъалаи маблағгузории қитъаи тоҷикистонии роҳи оҳанро баррасӣ мекунем ва муҳим он аст, ки раванди баррасии масъалаи мазкур аллакай роҳандозӣ гардид», - афзуд Аҳмад Муҳаммад Алӣ.
Ёдрас мекунем, ки зимни суханронӣ дар маросими ифтитоҳи расмии ҷаласаи 38-уми Шӯрои мудирони БИР дар Душанбе президенти Тҷикистон Эмомалӣ Раҳмон таваҷҷуҳи иштирокдоронро ба як қатор лоиҳаҳои сармоягузории минтақавӣ, аз ҷумла сохтмони роҳи оҳани Тоҷикистон-Афғонистон-Туркманистон ҷалб намуд.
Қобили зикр аст, ки 20-уми марти соли равон зимни мулоқоти сеҷонибаи сарони кишварҳои Туркманистону Тоҷикистон ва Афғонистон дар Ашқобод, ки баҳри таҷлили ҷашни Наврӯзи байнулмилалӣ ба пойтахти ин кишвар ташриф оварда буданд, Ёддошти тафоҳум дар бораи сохтмони роҳи оҳани мазкур ба имзо расид.
Пайвастшавии Тоҷикистон ба Туркманистон тавассути роҳи оҳан тариқи қаламрави Афғонистон раҳоии Тоҷикистон аз вобастагӣ ба роҳи оҳани Ӯзбекистон ва ҳамчунин дастёбии Тоҷикистон ба шабакаи роҳҳои оҳани ИДМ ва баҳри Каспий ва дар оянда ба халиҷи Форсро таъмин хоҳад кард.
Видоъ бо Иброҳим Раисӣ дар Душанбе
Мотами миллӣ дар Эрон. Иброҳим Раисӣ кӣ буд, чӣ гуфт ва чӣ кард?
Гумонбарони амали террористӣ дар “Крокус” аз қарори тамдиди муҳлати боздошт шикоят набурданд
Нархи карбамид дар Тоҷикистон ду баробар поин рафт
Дар Осиёи Марказӣ нисбат ба соли гузашта захираи об бештар шудааст
Размикори 5-уми тоҷик дар UFC: ӯ кист ва кай қарордод ба имзо мерасонад?
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Кулли ахбор
Авторизуйтесь, пожалуйста