Давоми моҳҳои январ-феврали соли 2023 ҳаҷми гардиши молу маҳсулоти Тоҷикистон каме бештар аз 1 млрд долларро ташкил дод, ки 124 млн доллар камтар дар муқоиса бо ҳамин давраи соли 2022 мебошад, хабар медиҳад Агентии омори ҷумҳурӣ.
Тавозуни савдо манфӣ боқӣ монда, ҳаҷми воридоти молу маҳсулот нисбат ба содирот 556 млн доллар зиёдтар аст.
Дар ин давра аз Тоҷикистон ба маблағи умумии 231 млн доллар молу маҳсулот содир шуд, ки қариб 50 млн доллар камтар нисбат ба моҳҳои январ-феврали соли 2022 мебошад.
Қисмати зиёди содирот аз маҳсулоти минералӣ (семент, маъдан ва консентрат, неруи барқ ва ғайра), фулузот (металлҳо) ва сангҳои қиматбаҳо ва нимақиматбаҳо, фулузоти арзон (алюминий) ва маснуот аз он, маҳсулоти нассоҷӣ ва маснуот аз он иборат аст.
Зиёда аз 60%-и гардиши моли хориҷии Тоҷикистон ба се давлат - Русия (22%), Чин (21%) ва Қазоқистон (20%) рост меояд.
Молу маҳсулот аз Тоҷикистон дар ин давра асосан ба Қазоқистон (30,6% аз ҳаҷми умумии содирот), Чин (24,9%), Туркия (12,9%) ва Русия (10%) бароварда шудааст.
Ҳаҷми воридоти молу маҳсулот дар ин давра 787 млн долларро ташкил додааст, ки 75% камтар дар муқоиса бо моҳҳои январ-феврали соли 2022 мебошад.
Аз хориҷи кишвар нисбатан зиёдтар маҳсулоти минералӣ (маҳсулоти нафтӣ, гази моеъ, ангишт), мошин ва таҷҳизот, фулузоти арзон ва маснуот аз он, маҳсулоти саноати кимиё, маҳсулоти растанӣ ва маҳсулоти тайёри хӯрокворӣ ворид карда шудааст.
Воридоти маҳсулот асосан аз Русия (27,1% аз ҳаҷми умумӣ), Қазоқистон (19,8%) ва Чин (18,4%) сурат гирифтааст.
Дар зарфи ду моҳи соли ҷорӣ Тоҷикистон бо 90 кишвари саросари дунё муомилоти молӣ анҷом додааст.
Шарикони асосии тиҷоратии ҷумҳурӣ дар ин давра Русия (23,2% аз ҳаҷми умумии савдои хориҷӣ), Қазоқистон (22,2%) ва Чин (19,9%) боқӣ мондаанд.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста