Пас аз афзоиши босуръат дар моҳи март сатҳи таваррум дар бозори истеъмолии Тоҷикистон ба сатҳи ду моҳи аввали имсол баргашт.
Бино ба маълумоти Агентии омори кишвар, моҳи гузашта нархҳои чакана 0,5% боло рафтанд. Аз ҷумла, маҳсулоти хӯрокворӣ 0,9%, маҳсулоти ғайриозуқа - 0,4% боло рафта, хидматрасониҳои пулакӣ ба аҳолӣ, баръакс - 0,2% поин рафтанд.
Ёдрас мекунем, ки моҳи марти соли равон афзоиши нархҳои истеъмолӣ дар муқоиса бо моҳҳои январ ва феврал ду баробар - 0,9% боло рафт. Дар ду моҳи пешина нархҳо мутаносибан ба андозаи 0,5% ва 0,4% зиёд шуда буданд.
Дар маҷмӯъ, дар зарфи 4 моҳи соли ҷорӣ сатҳи таваррум дар кишвар 2,3%-ро ташкил дод, ки 0,1 банди фоизӣ поинтар нисбат ба ҳамин давраи соли 2022 аст.
Нархҳо ба маҳсулоти озуқаворӣ аз оғози сол ба андозаи 3,9%, маҳсулоти ғайриозуқа - 1,6% боло рафта, тарифҳо ба хидматрасониҳои пулакӣ ба аҳолӣ ба миқдори 0,4% коҳиш ёфтанд.
Ҳукумат сатҳи таваррумро барои соли 2023 ба мисли чанд соли ахир дар сатҳи 6,0% (+/-2 б.ф.) нигоҳ доштан мехоҳад. Коршиносони Бонки авруосиёии рушд низ сатҳи таваррумро қариб дар ҳамин сатҳ пешгӯӣ мекунанд.
Соли 2022 нархҳои истеъмолӣ дар кишвар дар сатҳи рекордии паст - 4,2% боло рафтанд, ки 3,8 банди фоизӣ пасттар нисбат ба нишондиҳандаи соли 2022 аст. Мутахассисони Хазинаи байнулмилалии асъор дар гузориши чанде қабли худ инро тариқи зайл шарҳ доданд: поинравии босуръати таваррум дар Тоҷикистон болоравии қурби пули миллӣ, сиёсати қатъии пуливу қарзӣ ва таъсири дигар тадбирҳо ба мисли озодшавии захираҳои стратегии хӯрокворӣ, коҳиши меъёри андоз ба арзиши иловашуда ба 3 банди фоизӣ ва сатҳи баланди истеҳсоли маҳсулоти кишоварзиро ифода мекунад.
Сироҷиддин Муҳриддин гуфтааст, изҳороти Сергей Лавров “бо вазъи воқеӣ мувофиқат намекунад”
Даргузашти муҷассамасози шинохта Игор Иванов
Баъди супоридани нота Сергей Лавров ба Сироҷиддин Муҳриддин занг зад
Як “эстакада”-и Душанбе бо беш аз 28 млн евро қарзи БАТР сохта мешавад
Дар робита ба таҷлили Иди ғалаба ва Рӯзи ваҳдати миллӣ реҷаи корӣ тағйир меёбад
20 сол чашминтизори шавҳари муҳоҷир. Чаро Марҳаборо “Зани оҳанӣ” мегӯянд?
Ифтитоҳи парвандаи ҷиноятӣ бар зидди як мансабдори ҳукумати Исфара
Даҳбеди Самарқанд: Аз пайравии нақшбандия то се мавҷи муҳоҷират
Эмомалӣ Раҳмон: “Аз ҳамкорӣ бо БАТР умедвориҳои калон дорем”
“Русия бояд уҳдадориҳояшро иҷро кунад!”. Як созмони ҷаҳонӣ ва ҳуқуқшиносони тоҷик шиканҷаи гумонбарони “Крокус”-ро маҳкум карданд
Кулли ахбор
Авторизуйтесь, пожалуйста