Бар асари як ҷанҷол байни хонандагони мактабҳои рақами 7 ва 12-и шаҳри Қӯрғонтеппа як мактаббача аз зарби корд ҷароҳати ҷисмонӣ бардоштааст.

Бино ба итиллои як манбаъ аз ШВКД шаҳри Қӯрғонтеппа, дирӯз хонандаи синфи 11-и мактаби рақами 7 ҳамроҳи донишҷӯи яке аз коллеҷҳои шаҳр бо хонандагони мактаби рақами 12-и шаҳр муноқиша мекунанд. «Дар натиҷаи ин ҷанҷол яке аз хонандагони мактаби рақами 12 аз зарби корд ҷароҳати ҷисмонӣ бардошта, дар беморхона бистарӣ шуд. Айни замон вазъи саломатии ҷабрдида муътадил арзёбӣ мешавад», - гуфт манбаъ.

Зимнан зикр гардид, ки кормандони ШВКД-и шаҳри Қӯрғонтеппа хонандаи синфи 11-и  мактаби рақами 7-ро ба гумони расонидани зарари ҷисмонӣ ба ҷабрдида боздошт ва ҳоло таҳқиқи ин ҳодиса аз тарафи муфатишони шуъбаи номбурда идома дорад.