Душанбе. 24-уми июл. ОИ «Азия-Плюс» - Нисбат ба таҳқиқи ҳодисаи муноқишаи ҷавонони шаҳри Хуҷанд бо коргарони Чин, ки дар бунёди роҳи мошингарди «Душанбе-Чаноқ» кор мекунанд, парвандаи ҷиноӣ оғоз карда шудааст.
Аз Вазорати корҳои дохилии ҶТ ба ОИ «Азия-Плюс» хабар доданд, ки дар задухӯрд тахминан 30-40 нафар иштирок доштаанд. «Мо маълумоте дорем, ки миёни коргарони Чин нафароне будаанд, ки қаблан доғи судӣ доштаанд, - изҳор дошт манбаъ. - Тибқи қонунгузории кишвари мо, шахси доғи судӣ дошта муддати панҷ соли пас аз адои ҷазо ҳуқуқ надорад қаламрави кишварро тарк намояд ва акнун лозим аст, муайян созем, ки ин нафарон чӣ тавр ба Тоҷикистон омадаанд».
Ёдрас мекунем, ки дар шоми рӯзи душанбеи ҳамин ҳафта дар микрорайони 18-уми шаҳри Хуҷанд миёни ҷавонони маҳаллӣ ва сохтмончиёни Чин, ки дар бунёди роҳи мошингарди «Душанбе-Чаноқ» фаъолият доранд, задухӯрд ба вуқӯъ пайваст.
Тибқи маълумоти Раёсати корҳои дохилии вилояти Суғд, сохтмончиёни Чин ба қаҳвахона омада, дар он ҷо бо ҷавонон ҷанҷол мебардоранд. Дар бораи осебдидагону саркардагони задухӯрд маълумоте нест. Танҳо маълум аст, ки аз ҳар ду ҷониб нафарони дар ин ҳодиса дастдошта боздошт шудаанд.
Шоҳидони ҳодиса баён доштанд, ки задухӯрд дар қаҳвахонаи «Баҳор»-и назди мағозаи маъруфи «Оазис» руй додааст. Сохтмончиёни Чин бо аҳолии маҳаллӣ гапашон напухта, ҷанҷол мекунанд ва пас аз чанде гурӯҳи коргарони Чин омада, бо арматура шишаҳои мағозаҳо ва мошинҳоро ба шикастан оғоз менамоянд. Мағозаи «Оазис», қаҳвахона ва як мағозаи дигар осеб дидаанд.
Баъди чанд муддате милисаҳо ва гурӯҳи фаврии зудамал он ҷо ҳозир шуда, нафаронеро, ки дар ин задухӯрд даст доштанд, боздошт мекунанд.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста