Дар 9 моҳи соли равон аз ҷониби Раёсати минтақавии гумрук дар вилояти Суғд 254 ҳолати қочоқи молу маҳсулоти хӯрокворӣ ба миқдори умумии бештар аз 58 тонна ошкор гардидааст, ки арзиши умумии он қариб 420 ҳазор сомониро ташкил медиҳад.
Дар ин бора Маҳмадалӣ Пардазода, сардори шӯъбаи назорати умумии додситонии вилояти Суғд зимни баргузории ҷаласаи Шӯрои ҳамоҳангсози фаъолияти мақомоти ҳифзи ҳуқуқи вилоят иттилоъ дод.
Ӯ гуфт, қочоқи молу маҳсулоти хӯроквории пастсифат асосан тавассути сарҳад дар ҳудуди шаҳрҳои Исфараву Конибодом ва ноҳияҳои Б. Ғафуров, Ҷ. Расулов, Спитамен ба назар мерасад.
“Дар марзи Тоҷикистон бо Қиғизистон дар ҳудуди вилояти Суғд 164 гузаргоҳи ғайрирасмӣ ва чаправҳо вуҷуд дорад, ки аксарияти онҳо дар маҳалҳои аҳолинишин ҷойгир буда, қочоқ тавассути онҳо ворид мешавад”, - гуфт Маҳмадалӣ Пардазода.
Тибқи иттилои ироагардида, дар 9 моҳи соли 2023 ба Тоҷикистон тавассути сарҳад дар вилояти Суғд як тонна биринҷ, 4,1 тонна маҳсулоти қаннодӣ, 1,1 тонна меваи хушк, 1,5 тонна меваи тар, 4,4 тонна равғани растанӣ, 13, 3 тонна афшураи мева, 500 кг ҳасиб, 8,1 тонна нӯшокии қувватбахш, 17,5 ҳазор тонна оби ҷав, 6 ҳазор дона тухми мурғ ва 22,2 ҳазор тонна маҳсулоти полезӣ ба таври қочоқ ворид шудааст.
Аксарияти қочоқчиён хонаҳои истиқоматии дар минтақаҳои сарҳадӣ ҷойгиршударо ҳамчун анбор ё корхонаи истеҳсоли ғайриқонунӣ истифода намуда, молу маҳсулоти ғайриқонунӣ ворид ва истеҳсолкардаашонро дар ин хонаҳо нигоҳ медоштанд ва минбаъд аз он ҷо ба муомилот мебаровардаанд.
“Дар робита ба ҳолатҳои қочоқи молу маҳсулоти пастсифат тибқи моддаи 209-и Кодекси ҷиноятии Ҷумҳурии Тоҷикистон 6 парвандаи ҷиноятӣ оғоз гардидааст”, - таъкид дошт Маҳмадалӣ Пардазода.
Бояд гуфт, ки гузаргоҳҳои сарҳадӣ миёни Тоҷикистону Қирғизистон пас аз низои ахир дар моҳи сентябри соли 2022 пурра баста аст. Онро ҷониби Қирғизистон аз ҷониби худ бастааст.
Бо Ӯзбекистон бошад, гузаргоҳҳои сарҳадӣ боз буда, сокинон озодона рафтуомад мекунанд ва тоҷирон молу маҳсулоти худро ворид ва содир менамоянд.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста