Як ҷавонзани 22-сола барои куштори бераҳмонаи тифли 3-солаи ҳамсояаш ҳамчун гумонбар боздошт шудааст. Ӯ барои пинҳон кардани ҷинояти дуздиаш ба ин кор даст задааст. Дар ин бора Вазорати корҳои дохилии Тоҷикистон хабар медиҳад.
Бояд гуфт, ки хабари пайдо шудани ҷасади кӯдаки ноболиғ аз партов ҳафтаи гузашта дар шабакаҳои иҷтимоӣ нашр шуд, аммо он замон, дар мақомоти корҳои дохилӣ аз шарҳи ин ҳодиса худдорӣ карда буданд.
Дар барномаи “Ахбори ВКД”, ки шоми дирӯз, 15-уми ноябр нашр шуд, аз ин зан Манижа Эмомализода, сокини шаҳри Душанбе ва муваққатан истиқоматкунандаи шаҳраки Сомониёни ноҳияи Рӯдакӣ, ки худ 2 кӯдаки ноболиғ ҳам доштааст, ном бурда мешавад.
Зани гумонбар дар ҳамсоягии Зарифа Ашӯрова, модари тифли марҳум зиндагӣ карда, бо мақсади дуздӣ ба хонаи ӯ ворид шудааст, ки дар натиҷа соҳибхона ӯро дастгир кардааст.
“Гоманбар бо мақсади он ки кирдори содиркардааш дар байни ҳамсояҳо овоза нашавад, қасди ҷинояти махсусан вазнинро таҳрезӣ намуда, барои аз ёду хаёли Зарифа Ашурова баровардани ҳолати ҷинояти дуздӣ фарзанди ноболиғи ӯ Абдуллоҳзода Шарифаро бо роҳи фиреб ба манзили истиқоматиаш дароварда, дар дохили ҳамом бо истифода аз корд ба гардани марҳум ду маротиба зада ӯро ба ҳалокат расонидааст”, - зикр мешвад дар “Ахбори ВКД”.
Дар навор худи Манижа Эмомализода нақл мекунад, ки чӣ гуна тифлро кушта ба партов партофтааст.
Ҷасади ноболиғи 3-сола рӯзи 4-уми ноябр баъди як рӯзи муроҷиати модараш барои нопадид шудани тифл аз партовгоҳи наздикии хонааш бо аломатҳои марги маҷбурӣ, аз ҷумла захмҳои корд дар гарданаш пайдо гардидааст.
Бар зидди Манижа Эмомализода барои куштори ноболиғ (моддаи 104 қисми 2 банди в Кодекси ҷиноятӣ) парвандаи ҷинотяӣ боз шуда, ӯ дар боздоштгоҳ қарор дорад. Ин банди қонунгузорӣ аз 15 то 25 сол маҳрум сохтан аз озодӣ ё ҳабси якумараро пешбинӣ мекунад.
Назари худи манижа Эмомализода, наздикон ва вакили дифои ӯ дар робита ба ҳодисаи мазкур маълум нест.
Кумитаи андоз исми 16 блогерро нашр карда гуфт, онҳо ба "соҳибкории ғайриқонунӣ машғуланд"
Дар орзуи шароити хуби корӣ. Кӯҳнадӯзони Хуҷанд дар барфи зимистону гармои тобистон чӣ кор мекунанд?
Тоҷикистон барои сохтмони пули дарозтарин дар кишвар қарз дарёфт кард
Боздошти як корманди Комиссариати ҳарбӣ барои гирифтани пора дар Темурмалик
Раиси пешин ва нави ҲДТ дар интизори хулосаи Вазорати адлия. Усмонзода аз мандати вакили парлумон маҳрум мешавад?
Қазоқистон ба Тоҷикистон барои таҳсили IT-мутахассисон 100 ваучер дод
Тағйироти кадрӣ: писари Маҳмадсаид Убайдуллоев аз вазифа рафт
Роҳбари ширкатеро, ки автобусаш дар Петербург ба дарё афтод, низ ду моҳ ба ҳабс гирифтанд
Дар Душанбе як зан фарзанди нахустини худро дар "Олуча Такси" ба дунё овард
Даромад аз шағал муҳимтар аз амнияти одамон? Шикояти сокинони маҳаллаи селзадаи Ваҳдат аз хунукназарии масъулин
Кулли ахбор
Авторизуйтесь, пожалуйста