Сӯҳроб Юсуфов, як кирокаши тоҷик бо иттиҳоми зӯроварӣ ва таҳқири маъмури амният дар Русия то 16-уми феврали соли 2024 ба ҳабс гирифта шуд. “Азия-Плюс” кӯшиш кард, ки ҷузъиёти ин ҳодисаро равшан кунад.
Дафтари матбуотии муштараки додгоҳҳои Маскав хабар медиҳад, ки Сӯҳроб Юсуфови 21-сола бо иттиҳоми “зӯроварӣ нисбат ба маъмури амният” (қисми 1-и моддаи 318-и Кодекси ҷиноии Русия) ва “таҳқири мансабдори давлатӣ” (моддаи 319-и Кодекси ҷиноии Русия) муттаҳам мешавад.
Ба фарзияи тафтишот, ронандаи 21-сола ҳангоми санҷиши ҳуҷҷат рӯзи 15-уми декабр ба афсари милиса “итоат накард”, “ба ҳаёт ва саломатии маъмури амният хатар эҷод кардааст”.
Сӯҳроб Юсуфов ба ин қарори додгоҳ эътироз кардааст.
Як шоҳиди ин ҳодиса, имрӯз, 18-уми декабр, ба шарти зикр нашудани номаш ба “Азия-Плюс” гуфт, ҳодиса шоми 15-уми декабр дар назди бозори “Садовод” рух дод ва боиси нигаронии муҳоҷирон гардид.
Ба гуфтаи ӯ, кирокаши тоҷик барои гирифтани мизоҷ назди ин бозор рафта ва гӯё роҳи корманди милитсияро банд кардааст.
“Корманди милитсия эътироз кард, ки “мошинатро гир” ва дигар сабр накарда, омада, ронандаро аввал бо дубинка зад ва баъдан бо “электрошокер” беҳуш кард”, - гуфт ҳамсӯҳбати мо.
Ба қавли ин ҳамсуҳбати мо, он лаҳза “корманди мақомоти Русия либоси мулкӣ дошт”.
Ӯ афзуд, ки ҳодисаро тоҷикони дар атроф буда диданд ва ба ин кирдори корманди милитсия эътироз баён карданд. Корманди милитсия барои пароканда кардани ҷамъи тоҷикон кормандони дигари милитсия ва “ОМОН”-ро ба кӯмак даъват кард.
“Кормандони милитсия ва “ОМОН” омада, бе пурсиш дастикам 80 нафар тоҷике, ки барои ҳимояи ҳамватанашон ҷамъ омада буданд ва сабаби ин кирдори ӯро мепурсиданд, ба мошинҳо бор карда, бурданд”, - гуфт манбаи мо.
Милитсия беҳуш шудани ронандаро тадсиқ мекунад, вале мегӯяд, “ҳангоми ёрӣ ба боздоштшуда як гурӯҳ шаҳрвандони хашмгин ҷамъ омада, бо буридани чарх ба мошини хидматӣ зарар расонданд”.
Нисбати беш аз 80 тоҷике, ки барои ҳимояти ҳамаваташон ҷамъ омада буданд, тибқи банди авбошӣ ва вайрон кардани қоидаҳои вуруд ба Русия ё иқомат дар ин кишвар парвандаи маъмурӣ боз шудааст. Аммо маълум нест, ки чанд нафар дар боздошт мондаанд ва барои чанд рӯз.
Бояд гуфт, ки “Садовод” яке аз бозорҳои калонтарини шаҳри Маскав аст ва теъдоди зиёди шаҳрвандони Тоҷикистон дар онҷо кор мекунанд.
Ёдовар мешавем, ки қаблан ҳам дар ин бозор аз сӯи кормандони мақомоти амниятӣ ва милитсияи Русия мавориди фишор ва рафтори ғайриқонунӣ нисбати муҳоҷирон расонаӣ шудааст.
Аз ҷумла, моҳи августи имсол кормандони милитсияи Русия дар бозори “Садовод” 60 муҳоҷиру донишҷӯи тоҷикро, агарчи аксарият санади дуруст ва мутобиқ ба қонун доштанд, боздошт карданд. Сабаби ин боздоштро мақомоти Русия шарҳ надоданд.
Нархи карбамид дар Тоҷикистон ду баробар поин рафт
Дар Осиёи Марказӣ нисбат ба соли гузашта захираи об бештар шудааст
Размикори 5-уми тоҷик дар UFC: ӯ кист ва кай қарордод ба имзо мерасонад?
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Тоҷикистону Қирғизистон амният дар марзро баррасӣ карданд
Иҷрокунандаи вазифаи раиси ҷумҳур ва вазири умури хориҷаи Эрон муайян шуд
Русия дар Тоҷикистон истеҳсоли дорувориро ба роҳ монданист
Кулли ахбор
Авторизуйтесь, пожалуйста