Вазири корҳои хориҷии Ҷумҳурии Тоҷикистон Ҳамрохон Зарифӣ бо Директори намояндагии минтақавии Бонки Исломии Рушд дар ш. Алмаато Ҳошим Толиб Маъруф мулоқот кард.
Тавре аз департаменти иттилооти Вазорати корҳои хориҷии ҷумҳурӣ хабар доданд, дар рафти вохӯрӣ масъалаи ҳамкориҳои дуҷониба байни Ҷумҳурии Тоҷикистон ва Бонки Исломии Рушд ва имкониятҳои рушди ояндаи он муҳокима гардиданд.
Ҷонибҳо масъалаи гузаронидани Панҷумин конфронси минтақавии ҳамкории иқтисодӣ оид ба Афғонистон (RECCA V), иштироки ҳайати БИР бо сардории Президенти он Аҳмад Муҳаммад Алӣ дар кори конфронс ва таҷлили иди байналхалқии Наврӯзро муҳокима карданд.
Яке аз мавзӯъҳои асосии мулоқот – ин иштироки БИР дар лоиҳаҳои бузурги инфрасохтории Тоҷикистон дар оянда, дастгирии соҳаи бонкӣ, хусусан соҳаи микрокредитӣ ва дастгирии ширкатҳои хурд ва миёна буд.
Бояд қайд кард, ки дар соли 2011 маблағи умумии амалиётҳои маъқулдонисташудаи гурӯҳи БИР дар Тоҷикистон қариб 211 млн. доллари ИМА-ро ташкил дод. Ҷумҳурии Тоҷикистон соли 1996 ба БИР ҳамроҳ шуда, то имрӯз БИР ба 44 лоиҳаҳои сармоягузорӣ дар соҳаҳои тандурустӣ, маориф, роҳсозӣ, энергетика ва хоҷагии қишлоқ маблағгузорӣ намудааст.
Айни замон Бонки Исломии Рушд дар Ҷумурии Тоҷикистон 17 лоиҳаро амалӣ менамояд. Аз ҷумла, барқарорсозии сектори энергетикӣ, сохтмони стансияҳои обию барқии хурд дар маҳалҳо, лоиҳаи интиқоли минтақавии қувваи барқ, таъмин намудани Душанбе бо оби нӯшокӣ, сохтмони роҳи Шоҳон-Зиғар, сохтмон ва таҷҳизонидани беморхонаи байниноҳиявӣ дар ш. Данғара ва барқарорсозии мактабҳои миёна.
Путин Эмомалӣ Раҳмонро ба Маскав даъват кард. Суҳбати роҳбарони ду давлат дар пайи мушкилоти муҳоҷирони тоҷик дар Русия
Мушкили шадиди дастрасӣ ба иттилоъ. Идомаи фишор ба расонаҳо ва рукуди озодии баён
Сафири Британияи Кабир дар Тоҷикистон иваз шуд
Тоҷикистониён кадом расонаҳоро бештар пайгирӣ мекунанд?
Маоши кам сабаби тарки соҳа кардани мутахассисон дар Агентии беҳдошти замин ва обёрӣ шудааст
Дар вилояти Курск кор дар таксиро барои муҳоҷирон манъ карданд
Дабири Шӯрои амнияти Қирғизистон “эҳтимоли табодули қитъаҳо” ҳангоми ҳалли баҳси марзӣ бо Тоҷикистонро истисно надонист
Интиқом барои террор дар “Крокус” ё чораҳои зиддитеррористӣ? Омили аслии бархӯрди шадиди Русия бо шаҳрвандони Тоҷикистон чист?
Сафири Амрико аз водии Рашт боздид кард
Вазири корҳои хориҷии Тоҷикистон сафири ИМА-ро ба ҳузур пазируфт
Кулли ахбор
Авторизуйтесь, пожалуйста