Имрӯз суҳбати телефонии президенти Тоҷикистон Эмомалӣ Раҳмон бо президенти Русия Владимир Путин баргузор гардид.
Тавре ки хадамоти матбуоти сарвари давлат хабар медиҳад, сарони ду кишвар ба муносибати 78-умин солгарди Рӯзи Ғалаба ҳамдигарро табрик гуфтанд.
Гуфта мешавад, зимни суҳбат президентҳо тамоюли мусбати рушди муносибатҳои шарикии стратегии Тоҷикистону Русияро дар тамоми самтҳои ҳамкорӣ таъкид карданд.
“Сарони ду давлат ҳамчунин оид ба масъалаҳои мубрами рӯзномаи байналмилалӣ ва минтақавӣ, аз ҷумла вазъ дар сарҳади Тоҷикистону Афғонистон табодули афкор анҷом дода, ҷадвали чорабиниҳои дуҷонибаву бисёрҷонибаро дар соли ҷорӣ муҳокима карданд”, - омадааст дар хабар.
Дар фарҷоми гуфтугӯ Владимир Путин президенти Тоҷикистонро барои иштирок дар чорабиниҳои бахшида ба ҷашни Рӯзи Ғалаба ба шаҳри Маскав даъват кард.
Дар хадамоти матбуоти президенти Тоҷикистон ба “Азия-Плюс” хабар доданд, ки ҳоло дар бораи пазируфта шудан ё нашудани ин даъват тасмим гирифта нашудааст.
Ёдрас мекунем, ки қаблан зикр гардида буд, ки дар гузашти низомии имсола дар Маскав ба муносибати ҷашни Рӯзи Ғалаба ягона сарвари давлати хориҷӣ, президенти Қирғизистон Садир Жапаров ҳузур хоҳад дошт.
Дар хадамоти матбуоти президенти Қирғизистон изҳор намудаанд, ки сарфи назар аз ҳамлаи ҳавопаймоҳои бесрнишин (беспилотникҳо) ба Кремл шаби 3 май, Садир Жапаров сафарашро ба Маскав рӯзҳои 8-9 май бекор накардааст.
Эмомалӣ Раҳмон: “Аз ҳамкорӣ бо БАТР умедвориҳои калон дорем”
“Русия бояд уҳдадориҳояшро иҷро кунад!”. Як созмони ҷаҳонӣ ва ҳуқуқшиносони тоҷик шиканҷаи гумонбарони “Крокус”-ро маҳкум карданд
Нигаронии ҷиддӣ аз нақзи ҳуқуқ ва озодиҳои тоҷикон. Тоҷикистон ба сафири Русия нотаи эътирозӣ супорид
Бонки исломии рушд барои сохтмони НБО Роғун 150 миллион доллар ҷудо кард
Дар Тоҷикистон 25 собиқадори Ҷанги Бузурги Ватанӣ боқӣ мондаанд
Бонки миллӣ бори дуюм аз оғози сол меъёри бозтамвилро паст кард
Аввал расид, баъд шаҳодатномаи хатм? Шикоят аз ҳуҷҷатсупории иҷборӣ ба Маркази миллии тестӣ
Президенти БАТР бо сафари дурӯза ба Душанбе меояд
“Бегуноҳ аст”. Додгоҳҳои Тоҷикистон давоми 5 сол чанд ҳукми сафедкунанда содир кардаанд?
Амрико барои нигоҳдорӣ ва ҳифзи Панҷакенти куҳан беш аз $186 ҳазор ҷудо кард
Кулли ахбор
Авторизуйтесь, пожалуйста