Намояндаи расмии ВКХ-и Русия Мария Захарова изҳороти ВКД-и Молдоваро дар бораи он ки Бюрои ҳамоҳангсозии мубориза бо ҷинояткории муташаккилона ва дигар навъҳои ҷиноятҳои хатарнок дар қаламрави ИДМ оид ба Рустам Ашӯров, тоҷикистонии дар фурудгоҳи Кишинёв тирпароникарда, маълумот вуҷуд надошт, дурӯғ унвон кард.
Дар ин бора newsmaker.md хабар медиҳад. Ин бо истинод ба суханони Захарова менависад:
“Бархилофи Молдова мо бо Бюрои мазкур мувофиқи тартиби муқарраршуда ҳамкорӣ мекунем. Дар робита ба ин, ман бо итминони комил гуфта метавонам, ки на пеш аз ҳодиса дар фурудгоҳи Кишинёв, на дар ҷараёни он ва на пас аз он мақомоти салоҳиятдори Молдова ба пойгоҳи маълумоти Бюро дар бораи ин ҷинояткор муроҷиат накардаанд. Бинобар ин маълум нест, ки онҳо чӣ тавр гуфта метавонанд, ки вай дар пойгоҳи Бюро ҳаст ё не. Ба ин тариқ, шарҳи ВКД-и Молдова дар ин бора “дурӯғи маҳз” аст”, - навиштааст Захарова дар шабакаи телеграм.
Ба гуфтаи ӯ, мақомоти Молдова "набояд барои тасмимҳои бемасъулиятона баҳона кобанд, балки бояд ба ҳимояи манфиатҳои шаҳрвандони кишвар, аз ҷумла тавассути механизмҳои бисёрҷонибаи дар ИДМ амалкунанда ва самаранокиашон собитшуда таваҷҷӯҳ кунанд".
Ёдрас мекунем, ки қаблан Мария Захарова изҳор дошта буд, ки тирпаронӣ дар фурудгоҳи Кишинёв натиҷаи қатъи иштироки Молдова дар кори Бюро аст.
Пас аз ин дар ВКД-и Молдова изҳор намуданд, ки Бюро дар бораи шаҳрванди Тоҷикистон, ки дар фурудгоҳи Кишинёв тирпаронӣ кард, маълумот надорад.
Ёдовар мешавем, ки рӯзи 30-юми июн Рустам Ашӯров, шаҳрванди Тоҷикистон, ки иҷозаи вуруд ба Молдоваро дарёфт накард, дар фурудгоҳи Кишинёв тирпаронӣ кард ва ду корманди мақомоти амниятии фурудгоҳро ба ҳалокат расонид. Ҳангоми боздошт ӯ захмӣ шуд ва баъди чанд рӯз дар беморхона даргузашт.
Намояндагони мақомоти ҳифзи ҳуқуқи Тоҷикистон барои рӯшан кардани ҷузъиёти ҳодиса ба Молдова сафар карданд. Қаблан, баъди чанд лаҳзаи тирпарронӣ дар фурудгоҳи Кишинёв мақомоти Тоҷикистон хабар доданд, ки Рустам Ашӯров соли 2013 дар ватани худ барои содир кардани ҷиноят аз кор дар сафи мақомот озод гардида, барои муддате зиндонӣ шудааст. Ӯ пеш аз муҳлат ба озодӣ баромада, рӯзи 23-уми июн дар рабудани бонкир дар Душанбе иштирок кардааст.
Прокуратураи генералии Тоҷикистон низ рӯзи 1 июл хабар дод, ки Рустам Ашӯров дар рабудани муовини раиси “Ориёнбонк” Шуҳрат Исматуллоев гумонбар аст.
Вазорати меҳнат: Барои кор дар Британия ба ширкатҳои иҷозанадошта муроҷиат накунед!
Кумитаи андоз исми 16 блогерро нашр карда гуфт, онҳо ба "соҳибкории ғайриқонунӣ машғуланд"
Дар орзуи шароити хуби корӣ. Кӯҳнадӯзони Хуҷанд дар барфи зимистону гармои тобистон чӣ кор мекунанд?
Тоҷикистон барои сохтмони пули дарозтарин дар кишвар қарз дарёфт кард
Боздошти як корманди Комиссариати ҳарбӣ барои гирифтани пора дар Темурмалик
Раиси пешин ва нави ҲДТ дар интизори хулосаи Вазорати адлия. Усмонзода аз мандати вакили парлумон маҳрум мешавад?
Қазоқистон ба Тоҷикистон барои таҳсили IT-мутахассисон 100 ваучер дод
Тағйироти кадрӣ: писари Маҳмадсаид Убайдуллоев аз вазифа рафт
Роҳбари ширкатеро, ки автобусаш дар Петербург ба дарё афтод, низ ду моҳ ба ҳабс гирифтанд
Дар Душанбе як зан фарзанди нахустини худро дар "Олуча Такси" ба дунё овард
Кулли ахбор
Авторизуйтесь, пожалуйста