Душанбе. 7-уми январ. ОИ «Азия-Плюс» - Ҳайати   ҳукуматии   Арабистони   Сауд ӣ 11   январ   барои   боздиди   кории    сер ӯ за   ба   Душанбе   меояд. Ба ҳайати он намояндагони вазоратҳои кишоварзӣ, тандурустӣ, нафт ва канданиҳои фоиданоки ин кишвар шомиланд. Дар ин бора ба ОИ «Азия-Плюс» сардори департаменти иттилооти Вазорати умури хориҷӣ Давлат Назриев хабар дод.

Дар ҷараёни боздиди корӣ ҳайати Арабистони Саудӣ бо муовини аввали вазири умури хориҷии Тоҷикистон Абдулло Юлдошев ва намояндагони вазорату идораҳои дахлдори ҷумҳурӣ мулоқоту гуфтушунид хоҳад кард.

«Ҷонибҳо масоили густариши ҳамкории тарафайнро мавриди баррасӣ қарор дода, дар анҷоми гуфтушунидҳо имзои созишномаҳо миёни мақомоти дахлдори кишварҳо дар соҳаҳои тандурустӣ, кишоварзӣ ва истихроҷи нафту газ дар назар аст», - афзуд манбаъ.