Палатаи поёнии парлумони Тоҷикистон имрӯз якдилона тағйироту иловаҳои аз ҷониби ҳукумат пешниҳодшударо ба Кодекси ҳуқувайронкунии маъмурии кишвар ҷонибдорӣ намуд.
Зимни суханронӣ назди вакилон доир ба ин масъала вазири адлияи Тоҷикистон Музаффар Ашӯриён қайд кард, ки тағйироту иловаҳо бо мақсади башардӯстона гардидани қонунҳои кишвар қабул карда мешаванд.
Ба гуфтаи ӯ, дар тағйироту иловаҳо ҷорӣ гардидани ҷазои маъмурӣ ба амалҳое, ки ба барангехтани кинаю адовати миллӣ, нажодӣ, маҳалгароӣ ва ё динӣ, низоъи миллӣ ё паст задани шаъну эътибори миллӣ, инчунин тарғиби бартарии шаҳрвандон аз нигоҳи муносибати онҳо ба дин, мансубии онҳо ба миллат, нажод ё маҳал равона шудаанд, пешбинӣ шудааст.
Агар ин амалҳо дар маърази ом ё бо истифода аз воситаҳои ахбори омма содир шуда бошанд, ҳаҷми ҷарима аз 50 то 100 нишондиҳандаи ҳисоб (1 нишондиҳанда - 58 сомонӣ) ва муҳлати ҳабси маъмурӣ аз 5 то 10 шабонарӯзро ташкил медиҳад.
Қаблан барои ин амал ба шаҳрвандон ҷазои маҳрумият аз озодӣ ба муҳлати то 5 сол таҳдид мекард.
Вазир қайд кард, ки агар шахсоне, ки барои амалҳои дар боло зикршуда ба ҷавобгарии маъмурӣ ҷалб шуда бошанду дар муддати як соли пас аз ҷазо гирифтан такроран онҳоро содир намоянд, ба ҷавобгарии ҷиноятӣ кашида шуда, ба муҳлати аз 2 то 5 сол аз озодӣ маҳрум шуда метавонанд.
Дар ҳамин ҷаласа аъзои палатаи поёнии парлумон тағйироти аз ҷониби ҳукумат пешниҳодшударо ба қонун “Дар бораи аудити дохилӣ дар ташкилотҳои бахши давлатӣ” тасдиқ намуданд.
Вазири молияи Тоҷикистон Файзиддин Қаҳҳорзода дар робита ба ин масъала изҳор намуд, ки тағйироти мазкур ба Вазорати молия дар таҳияи Кодекси рафтори аудиторон ва Меъёрҳои баргузории аудит дар ташкилотҳои бахши давлатӣ ҳуқуқ медиҳанд.
Тағйирот инчунин ба ҳукумати Тоҷикистон дар таҳия ва тасдиқи тартиби ташкил ва барҳамдиҳии ширкатҳои аудиторӣ ҳуқуқ медиҳад.
Ҳамчунин вакилон якдилона Созишномаро дар бораи амалисозии фаъолияти муштараки кишварҳои узви ИДМ дар соҳаи таҳқиқ ва истифодаи фазои кайҳонӣ бо мақсади осоишта дастгирӣ карданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Кумитаи андоз исми 16 блогерро нашр карда гуфт, онҳо ба "соҳибкории ғайриқонунӣ машғуланд"
Дар орзуи шароити хуби корӣ. Кӯҳнадӯзони Хуҷанд дар барфи зимистону гармои тобистон чӣ кор мекунанд?
Тоҷикистон барои сохтмони пули дарозтарин дар кишвар қарз дарёфт кард
Боздошти як корманди Комиссариати ҳарбӣ барои гирифтани пора дар Темурмалик
Раиси пешин ва нави ҲДТ дар интизори хулосаи Вазорати адлия. Усмонзода аз мандати вакили парлумон маҳрум мешавад?
Қазоқистон ба Тоҷикистон барои таҳсили IT-мутахассисон 100 ваучер дод
Тағйироти кадрӣ: писари Маҳмадсаид Убайдуллоев аз вазифа рафт
Роҳбари ширкатеро, ки автобусаш дар Петербург ба дарё афтод, низ ду моҳ ба ҳабс гирифтанд
Дар Душанбе як зан фарзанди нахустини худро дар "Олуча Такси" ба дунё овард
Даромад аз шағал муҳимтар аз амнияти одамон? Шикояти сокинони маҳаллаи селзадаи Ваҳдат аз хунукназарии масъулин
Кулли ахбор
Авторизуйтесь, пожалуйста