Душанбе. 13 апрел. «Азия-Плюс» - | Дар Тоҷикистон бо пешниҳоди ҳукумат ҷашнвораи нав - Рӯзи Горди миллӣ муқаррар мешавад.

Тавре ба «АП» дар палатаи поёнии парлумони кишвар иттилоъ доданд, дар Шӯрои Маҷлиси намояндагони Маҷлиси Олии кишвар масъалаи ворид намудани ислоҳот ба қонун «дар бораи рӯзҳои ид» баррасӣ гашт. Тибқи он ба феҳрасти идҳои Тоҷикистон ҷашни Рӯзи Горди миллӣ изофа мешавад.

«Бо қарори Шӯро ва мувофиқа бо фармондеҳии Горди миллии Тоҷикистон рӯзи таҷлили иди нав дар ояндаи наздик муқаррар карда мешавад»,- хабар медиҳад манбаъ.

Горди миллии Тоҷикистон, ки қаблан бо номи Горди президентӣ муарифӣ мешуд, моҳи сентябри соли 1995 таъсис ёфтааст.