Зимни амалиёти кормандони Раёсати КДАМ дар ноҳияи Фархори вилояти Хатлон як қочоқбари маъруфи афғон кушта шуд.
Тавре ба ОИ «Азия-Плюс» аз маркази робита бо ҷомеаи КДАМ ҶТ хабар доданд, зимни амалиёти боздошт сокини 32-солаи вилояти Тахори Афғонистон Ғуломраббонӣ валади Бекмуҳаммадназар муқовимати мусаллаҳона нишон дода, дар ҷойи ҳодиса кушта шудааст. «Ҳаммаслак ва ҳамдиёри ӯ – Амриддин валади Худоёри 30-сола захмӣ шуда, дар қаламрави кишвари ҳамсоя паноҳ бурд», - гуфтанд дар КДАМ.
Ба иттилои манбаъ, дар ҷойи ҳодиса ба ҷуз ҷасади қочоқбар, як адад автомати Калашников бо панҷ тирдон ва 137 тир, ду телефони ҳамроҳ ва 12,5 кило маводи мухаддири бангдона дарёфт шудааст.
Бино ба маълумоти хадамоти махсуси ҷумҳурӣ, ин қочоқбар қаблан чандин маротиба ғайриқонунӣ марзи давлатиро убур ва ба қаламрави Тоҷикистон ворид гардида, мунтазам ба интиқоли маводи мухаддир ба Тоҷикистон машғул будааст.
«Моҳи январи соли ҷорӣ маҳз Ғуломраббонӣ валади Бекмуҳаммадназар ва ҳаммаслакони ӯ дар қаламрави ноҳияи Фархор ба задухӯрди мусаллаҳона бо марзбонони тоҷик пардохта, дар ин задухӯрд марзбони тоҷик, сарбози 19-сола, сокини ноҳияи Мастчоҳи вилояти Суғд Фахриддин Қозизода ба ҳалокат расида буд», - гуфт манбаъ.
Зимнан зикр гардид, ки дар ҷараёни тафтишот муайян карда шудааст, ки дар роҳандозии фаъолияти ҷинояткорона ин қочоқбари афғон бо шаҳрванди Тоҷикистон, сокини 35-солаи шаҳри Кӯлоб Ҳабибулло Маҳмудов, ки айни замон ба ҳабс гирифта шудааст, ҳамкорӣ доштааст.
«Хадамоти махсуси Афғонистон Ғуломраббонӣ валади Бекмуҳаммадназарро ҳамчунин дар ташкили қатли афроди маъруф дар кишвар гумонбар медонанд», - афзуд манбаъ.
Вазорати умури дохилии Русия тартиби сабти номи шаҳрвандони хориҷиро шарҳ дод
Роҳхатҳои олимпӣ дар кишварҳои Осиёи Марказӣ: кӣ аз ҳама зиёдтар дорад?
Дар радабандии ФИФА мунтахаби футзали Тоҷикистон байни 139 кишвар зинаи 34-умро ишғол кард
“Ба хотири шаффофият!”. Пули иҷораи китобҳои дарсӣ низ дигар ғайринақдӣ супорида мешавад
Собиқадорони Ҷанги Бузурги Ватанӣ дар Душанбе чанд пул мегиранд?
Ном ба ном. Зимни тағйироти кадрии имрӯза кӣ чӣ вазифа гирифт ва ё аз мансаб озод шуд?
Эмомалӣ Раҳмон барои таҷлили Рӯзи Ғалаба ба Маскав меравад
Шӯрои миллии муқовимат ба Толибон: “Бештар аз ин бо ситезаҷӯӣ ва зулм сабри мардумро наозмоед!”
Аз сафирон то роҳбарони Агентиҳо. Тағйироти кадрӣ ва дастури Эмомалӣ Раҳмон ба мансабдорони навтаъин
Агентии омор: Сокинони Тоҷикистон дар як шабонарӯз 8 соат хоб, 7 дақиқа мутолиа ва ҳамагӣ 1 соат кор мекунанд
Кулли ахбор
Авторизуйтесь, пожалуйста