Нерӯҳои марзбонии Кумитаи давлатии амнияти миллии Тоҷикистон бо нашри як изҳорот аз сар задани як даргирии нав, рӯзи якшанбеи 25-уми октябр дар марзи Тоҷикистону Қирғизистон, дар ҳудуди деҳаи Хоҷаи Аълои шаҳри Исфараи вилояти Суғд хабар додааст.
Ба гуфтаи Неруҳои марзбонии Тоҷикистон марзбонони қирғиз ба сӯйи шаҳрвандони мулкии Тоҷикистон тир кушодаанд, ки "хушбахтона, аз тирпаронии марзбонони қирғиз сокинони Хоҷаи Аъло осеб надидаанд".
Маркази матбуоти Неруҳои марзбонии Тоҷикистон гуфтааст, ки "рӯзи 25-уми октябри соли 2020, соати 15:30 дақиқа, сокинони деҳаи Хоҷаи Аълои ноҳияи Исфара дар дохили деҳа қубури обгузарро, ки кӯҳнаву афсурда шудааст, иваз мекарданд. Дар ин вақт 25-30 нафар сарҳадбонони мусаллаҳи Ҷумҳурии Қирғизистон ба назди деҳаи мазкур ҳозир шуда, аз сокинон талаб мекунанд, ки корро қатъ созанд. Онҳо даъво пеш меоранд, ки маҳали кори шаҳрвандони Тоҷикистон минтақаи баҳсӣ дониста мешавад ва аз силоҳи оташфишон ҷониби сокинони Хоҷаи Аъло тир мекушоянд".
Неруҳои марзбонии Тоҷикистон ҳудудеро, ки сокинони Хоҷаи Аъло ба таъмир кардани лӯлаҳои обгузар машғул буданд қаламрави Тоҷикистон дониста, дахолати марзбонони кишвари ҳамсояро "иғвогарии навбатии марзбонони қирғиз" ва "мураккаб намудани вазъият дар хатти сарҳади ду давлат" донистааст.
То кунун ҷониби Қирғизистон дар ин бора изҳори назар накардааст.
Сухангӯйи шаҳрдории Исфара Иқбол Тешаев мегӯяд, ки баъд сар задани ҳодиса намояндаҳои ҳукумати маҳаллӣ ва сохторҳои қудратии Тоҷикистон хеле зуд ба ҷойи ҳодиса омадаанд. Неруҳои марзбонии Тоҷикистон мегӯяд, ки бар пайи ҳодиса неруҳои марзбонии ҳарду кишвар ва намояндаҳои ҳукуматҳои маҳалии ҳаммарз ба гуфтушунид пардохта, "корҳо дар маҳали муноқиша муваққатан қатъ карда шуданд".
Ба гуфтаи сухангӯйи шаҳрдории Исфара "дар натиҷаи корҳои муштаракаи мақомоти ҳифзи ҳуқуқи ҳар ду ҷониб як муноқишаи дигар пешгирӣ шуд".
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста