Рамазон Раҳимзода, вазири корҳои дохилии Тоҷикистон изҳороти Анатолий Сидоров, сардори ситоди муттаҳидаи Созмони аҳдномаи амнияти дастҷамӣ (СААД)-ро дар робита ба ҳузури тақрибан 4 ҳазор ҷангҷӯи ДОИШ дар марзи Афғонистону Тоҷикистон шарҳ дод ва гуфт, онҳо ба ҳама таҳдид омодаанд.
Ӯ, имрӯз, 15-уми феврал, дар ҳузури рӯзноманигорон гуфт, дар якҷоягӣ бо мақомоти масъули қудратӣ дар робита ба таъмини бехатарӣ дар марз нақшаи чорабиниҳо доранд ва дар сурати таҳдид метавонанд, аз он истифода кунанд.
“Яке аз вазифаҳои муҳими зерсохторҳои мо ҳамроҳи Кумитаи давлатии амнияти миллӣ, Қушунҳои сарҳадотӣ ва дигар мақомоти қудратии масъул таъмини бехатарӣ дар марз аст. Мо ҳамеша тайёр ҳастем, дар чунин ҳолатҳо нақшаи чорабиниҳои якҷоя ҳаст ва мо омадаем, ки дар ҳолати зарурӣ амал кунем”, - гуфт Рамазон Раҳимзода.
Ӯ бо ишора ба изҳороти Анатолий Сидоров гуфт, “дар ҳолати зарурӣ, ҳамчунин қувваҳои СААД низ бо мақсади дастгирии сарҳад дастбакор мешаванд”.
Рӯзи 14-уми феврали соли равон сардори ситоди муттаҳидаи Созмони аҳдномаи амнияти дастҷамӣ (СААД) дар нишасти хабарие гуфт, теъдоди ҷангҷӯёни ба ном “Вилояти Хуросон”, бахши афғонистонии созмони террористии “ДОИШ” то ҳудуди 6,5 ҳазор афзуда, тақрибан 4 ҳазор ҷангҷӯй дар марзи Афғонистон бо Тоҷикистон дар вилоятҳои Бадахшон, Қундуз ва Тахор ҷамъ шудаанд.
Тавре хабаргузории “ТАСС” иттилоъ медиҳад, Сидоров гуфтааст, таҳдиди асосӣ ба минтақаи Осиёи Марказӣ аз тарафи гурӯҳҳои ифротие бармеояд, ки дар Афғонистон ҷой пайдо кардаанд ва “аз ҳама гурӯҳҳои хатарнок “ДОИШ” ва “Ал-қоида” мебошад.
Шохаи “Хуросон”-и ДОИШ бори аввал дар шарқи Афғонистон ва дар моҳи январи соли 2015 пайдо шуд. Амрико ва ҳукумати пешини Афғонистон дар охири соли 2019 эълон карданд, ки гурӯҳ қариб аз байн рафт, зеро садҳо ҷангҷӯяшро дар амалиёти зиддитеррористӣ куштанд.
Дар ҳоле ки Толибон мегӯянд, сулҳро дар Афғонистон барқарор кардаанд, шохаи "Хуросон"-и ДОИШ тайи як соли охир дар чанд шаҳри ин кишвар як силсила ҳамлаҳои пурсарусадои террористӣ анҷом дод.
Ин гуруҳ иддао кард, ки ҷангҷӯёнаш рӯзи 12-уми декабри имсол ба як меҳмонхона дар Кобул ҳамла карда, чанд нафарро куштанду чанд каси дигар, аз ҷумла панҷ шаҳрванди Чинро захмӣ карданд. Толибон мегӯянд, се ҳамлавар кушта шуд.
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Боз 47 зану кӯдаки тоҷикро аз Сурия ба Тоҷикистон баргардониданд
Кулли ахбор
Авторизуйтесь, пожалуйста