Рӯзи 17-уми октябр дар Қазоқистон ҷаласаи дуюми котибони Шӯрои амният ва мушовирони амнияти миллии Ҳиндустон ва давлатҳои Осиёи Марказӣ баргузор гардид. Дар ин бора хабаргузории “Newscentralasia” иттилоъ додааст.
Ба гуфтаи манбаъ, дар ин нишаст Насрулло Маҳмудзода, котиби Шурои амнияти Тоҷикистон ширкат кардааст. Инчунин, дар нишасти мазкур Аҷит Довал, мушовири амнияти миллии Ҳиндустон ва мушовирону котибони амнияти миллии Қазоқистон, Қирғизистон ва Ӯзбекистон низ ширкат доштанд.
Гуфта мешавад, ки Туркманистон дар ин нишаст ҳамчун намоянда иштирок кардааст.
“Зимни ҷаласа масъалаҳои амнияти байналмилалӣ ва минтақавӣ баррасӣ гардидаанд. Аз ҷумла, рушди ҳамкорӣ дар самтҳои мубориза бо терроризму ифротгароӣ, гардиши ғайриқонунии аслиҳа ва маводи мухаддир, инчунин таъмини амнияти иттилоотӣ ва экологӣ табодули ҳамаҷонибаи афкор доир шуд”, - омадааст дар хабар.
Инчунин, дар нишасти мазкур ҷонибҳо вазъи кунунии Афғонистон ва таъсири он ба амнияту субот дар минтақаро низ баррасӣ кардаанд.
Ба гуфтаи манбаъ, Ҳиндустон аз дигар давлатҳои Осиёи Марказӣ даъват кардааст, ки барои истифода аз бандари Чобаҳор барои тиҷорати баҳрӣ дар долони байналмилалии ҳамлу нақли Шимолу Ҷануб (INSTC) шомил шуда, истифода баранд. Ҳоло гуфта мешавад, ки Ӯзбекистон ва Туркманистон омодаи пайвастан ба INSTC ҳастанд.
Дар ҷараёни мулоқот Ҳиндустон пешниҳод карда, ки Форуми замини нодири Ҳиндустон ва Осиёи Марказӣ таъсис дода шавад, ки ҳадафаш таҳкими шарикӣ дар соҳаи унсурҳои нодири замин ва маъданҳои стратегӣ мебошад. Чунин ҳамкорӣ метавонад, ба манфиати тарафайн бошад.
Дар ин ҷаласа тасмим гирифта шудааст, ки нишасти сеюми мушовирони амнияти миллии котибони Шӯрои амнияти Ҳиндустон ва Осиёи Марказӣ дар соли 2024 дар Қирғизистон баргузор гардад.
Ёдовар мешавем, ки Мулоқоти котибони Шӯрои амнияти давлатии мамлакатҳои Осиёи Марказӣ ва Ҳиндустон бори аввал соли 2022 баргузор гардида буд.
Дар бозӣ барои ҷойи сеюм низ бахти футзалистони тоҷик дар пеналти омад накард
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Кулли ахбор
Авторизуйтесь, пожалуйста