Субҳи имрӯз дар пойтахти Қазоқистон – шаҳри Остона Медиа-Форуми 11-уми Авруосиё ба кор шурӯъ кард.
Рӯзномаи форуми мазкур аз масоили вазъи минтақаи Осиёи Марказӣ пас аз хурӯҷи нерӯҳои эътилофи низомӣ аз Афғонистон дар соли 2014, таъсири шабакаҳои иҷтимоӣ ба вазъи сиёсӣ дар ҷаҳон, ҷараёни фоҷеаобори ҳодисаҳо дар Шарқи Наздик, дурнамои таъсиси Иттиҳоди иқтисодии Авруосиё ва дигар масоили муҳими рӯзмарраи ҷаҳони муосир иборат аст.
Президенти Қазоқистон Нурсултон Назарбоев ба кори форум ҳусни оғоз бахшида, дар бораи масоили дар боло зикршуда ибрози андеша кард. «Ман ба вазъи минтақа пас аз хурӯҷи нерӯҳои эътилоф аз Афғонистон некхоҳона назар мекунам, зеро айни замон кишварҳои минтақа ба таъмини суботу устуворӣ қодиранд», - гуфт ӯ.
Дар робита ба дар соли 2015 таъсис додани Иттиҳоди иқтисодии Авруосиё бо иштироки Русияву Белорус ва Қазоқистон Назарбоев изҳор намуд, ки набояд ба иттиҳод ҳамчун ба эҳёи Иттиҳоди Шӯравӣ нигарист. «Таъсиси ин иттиҳод мақсадҳои соф иқтисодӣ дошта, мардуми қазоқ бори нахуст истиқлолият ба даст овард ва агар ба истиқлолияти мо чизе таҳдид кунад, мо дарҳол аз ин иттиҳод хориҷ хоҳем шуд», - таъкид кард ӯ.
Зимни ибрози андеша перомуни журналистикаи муосир дар робита ба рушди босуръати технологияҳои навтарин ва шабакаҳои иҷтимоӣ, Назарбоев зикр кард, ки ба андешаи ӯ, «бо пайдо шудани кино театру рӯйи кор омадани интернет телевизиону радио аз байн нарафтанд ва ҳарчанд коршиносон пешгӯӣ кунанд ҳам, рӯзномаҳо низ аз байн намераванд».
Форум муддати ду рӯз идома ёфта, дар кори он ҳайати сершумори журналистони тоҷик низ иштирок доранд.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста