Чанде қабл раиси вилояти Суғд Қоҳир Расулзода бо сафири Русия дар Тоҷикистон Игор Лякин-Фролов, ки рӯзи 20-уми ноябр бо сафари корӣ ба минтақаи шимоли ҷумҳурӣ ташриф овард, мулоқот анҷом дод.
Бино ба иттилои хадамоти матбуоти раиси вилояти Суғд, зимни сӯҳбат ҷонибҳо ҳамкориҳои дуҷонибаи мавҷуда дар соҳаҳои гуногун ва роҳҳои таҳкими робитаҳо дар ояндаро мавриди баррасӣ қарор доданд.
Қоҳир Расулзода зимни мулоқот аз густариши рӯзафзуни равобити иқтисодию тиҷоратӣ ва илмию фарҳангӣ миёни вилояти Суғд ва минтақаҳои Федератсияи Русия изҳори хушнудӣ намуда, иброз дошт, ки мақомоти иҷроияи ҳокимияти давлатии вилояти Суғд омода аст барои вусъати ҳамкориҳо дар оянда кӯшиш ба харҷ диҳад. Аз ҷумла зикр шуд, ки дар доираи ҳамкориҳои минтақавӣ вилояти Суғд бо вилоятҳои Иваново, Свердловск, Оренбург, Астрахан, Саратов ва кишвари Олтойи Федератсияи Русия робитаҳои судмандро ба роҳ мондааст.
Дар мулоқот ҳамчунин зикр гардид, ки дар нӯҳ моҳи соли 2013 ҳаҷми табодули мол миёни вилояти Суғд ва Федератсияи Русия нисбат ба солҳои пешин афзоиш ёфта, ҳаҷми содироти маҳсулот аз вилояти Суғд ба Федератсияи Русия беш аз 15 миллион долларро ташкил мекунад. Дар навбати худ аз Русия ба вилояти Суғд ба миқдори 324 миллион доллари ИМА маҳсулоти гуногун ворид карда шудааст.
Ёдрас мекунем, ки Игор Лякин-Фролов ба ҳайси сафири Русия дар Тоҷикистон бори аввал ба вилояти Суғд ташриф овард. Ин дипломати рус зимни сафари кории худ, ки 2 рӯз идома меёбад, аз минтақаи озоди иқтисодии «Суғд» ва ҷойҳои таърихиву фарҳангии вилоят боздид хоҳад кард.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста