Истифодашавии сарчашмаҳои ватании интернет дар соли 2013 нисбат ба солҳои қаблӣ 10% бештар гардидааст. Дар ин бора ба Хабаргузории «Азия-Плюс» сарвари Ассотсиатсияи интернет провайдерҳои Тоҷикистон Асомиддин Атоев иттилоъ дод.
Ба гуфтаи ӯ, истифодабарандагони интеренет дар кишвар бештар барои дарёфти маълумот рӯ ба сарчашмаҳои глобалии интернет меоранд, ки дар маҷмӯъ барои сарчашмаҳои ватанӣ он қадар хуб нест.
«Аммо дар ҳар сурат, дар қиёс бо солҳои қаблӣ теъдоди истифодабарандагоне, ки ба сарчашмаҳои ватанӣ рӯ меоранд 10% бештар гардидаанд. Бояд гуфт, ки аслан характери истифодабарии интерент ҳам дар кишвар тағйир ёфтааст: дар соли 2010 шаҳрвандон аз интернет бештар маводи фароғатӣ меҷустанд, аммо ҳоло онҳо бештар маълумоти характери иттилоотидошта ва тахассусӣ мекобанд. Ба ҷуз ин, бояд зикр кард, ки шумораи истифодабарандагон ҳам рӯ ба афзоиш аст», - гуфт Асомиддин Атоев.
Мутобиқи омори расмии Хадамоти алоқаи кишвар, дар соли 2013 теъдоди истифодабарандагони интернети мобилӣ ба 8,3 млн. расид.
Асомиддин Атоев бо такя ба як пажӯҳиши электроние, ки дар кишвар дар солҳои 2010 ва 2012 аз ҷониби фонди ҷамъиятии «Интернет» баргузор гашта буд, ГУФТ, ки аксари истифодабарандагони интернет дар кишвар мардҳоянд. Зикр шуд, ки 77% истифодабарандагони интернетро ҷавонони то 34-солаташкил мекунанд.
Чанд тан аз истифодабарандагони интернет ҳангоми пурсишИ хабарнигори «Азия-Плюс» иброз доштанд, ки бештар аз интернети мобилӣ истифода мебаранд, чунки он дар ҳама ҷо дастрас буда, арзон аст. Аммо дигарон мутмаин ҳастанд, ки истифодаи интеренет ба воситаи компютер қулайтар ва ба саломатӣ камзарар аст.
Чархболи суқуткардаи Иброҳим Раисӣ пайдо шуд, аммо тақдири ӯ ва ҳамроҳонаш норӯшан аст
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Кулли ахбор
Авторизуйтесь, пожалуйста