Такаши Камада, сафири Ҷопон дар Тоҷикистон, имрӯз, 23 июли соли 2015 ҷиҳати иштирок дар маросими анҷом ёфтани «Лоиҳаи беҳтар гардонидани шӯъбаи ҷарроҳии беморхонаи марказии ноҳияи Шаҳринав» ба ин ноҳия сафар кард.
Тавре аз сафорати Ҷопон дар Тоҷикистон хабар доданд, дар чаҳорчӯби Барномаи ҳукумати Ҷопон оид ба кӯмакҳои бебозгашт ва амнияти башарӣ барои бахши аъзами аҳолӣ (GGP) ба ҳокимияти маҳалии ноҳияи Шаҳринав аз тарафи ҳукумати Ҷопон маблағи умумии 107,017 доллари ИМА барои лоиҳаи мазкур дастрас гашт.
Пеш аз татбиқи лоиҳа, шӯъбаи ҷарроҳии беморхонаи марказӣ, ки соли 1990 таъсис ёфта, дар як сол зиёда аз 1000 беморонро бо хизматрасонии тиббӣ таъмин менамояд, дар ҳолати ногувор қарор дошт. Боми бино мечакид ва системаи обтаъминкунӣ бошад, куллан аз фаъолият бозмонда буд. Ҳамчунин, аз сабаби набудани таҷҳизоти тиббии лозима, кормандони беморхона натавонистанд дар вақти муносиб ва муҳити тозаву бехатар ба беморон кӯмаки тиббӣ дастрас намоянд.
Муваффақона ба охир расидани лоиҳа, бинои шӯъбаи ҷарроҳии беморхонаи марказӣ, аз ҷумла системаи обтаъминкунии бино пурра таъмир гардида, феълан беморону кормандони беморхона аз он манфиат мебаранд. Илова бар ин, шӯъбаи мазкур бо таҷҳизоти тиббии муосир аз қабили мизи ҷарроҳӣ, дастгоҳи нафасдиҳии сунъӣ, коагулятори барқӣ ва дигар таҷҳизоти тиббӣ муҷаҳҳаз гардонида шуд.
Кӯмакҳои бебозгашт барои бахши аъзами аҳолӣ ва амнияти башарӣ (GGP) тарҳи Барномаи расмии Ҷопон оид ба рушд мебошад. Алалхусус, лоиҳаҳои кӯмакҳои бебозгашт барои бахши аъзами аҳолӣ ва амнияти башарӣ барои дастгирӣ намудани соҳаҳои мухталифи бахши аъзами аҳолӣ дар сартосари Тоҷикистон равона карда шудаанд.
Кӯмакҳои бебозгашти лоиҳаҳои амнияти башарӣ барои бахши аъзами аҳолӣ ба ҳокимиятҳои маҳаллӣ, соҳаҳои маориф ва тандурустӣ, ҳамчунин ба созмонҳои ғайридавлатӣ расонида мешавад. Аз соли 1996 то инҷониб, кӯмакҳои бебозгашт барои бахши аъзами аҳолӣ ва амнияти башарӣ 341 лоиҳаро ба маблағи умумии $27.6 миллион доллари ИМА дар Тоҷикистон амалӣ намудааст.
Видоъ бо Иброҳим Раисӣ дар Душанбе
Мотами миллӣ дар Эрон. Иброҳим Раисӣ кӣ буд, чӣ гуфт ва чӣ кард?
Гумонбарони амали террористӣ дар “Крокус” аз қарори тамдиди муҳлати боздошт шикоят набурданд
Нархи карбамид дар Тоҷикистон ду баробар поин рафт
Дар Осиёи Марказӣ нисбат ба соли гузашта захираи об бештар шудааст
Размикори 5-уми тоҷик дар UFC: ӯ кист ва кай қарордод ба имзо мерасонад?
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Кулли ахбор
Авторизуйтесь, пожалуйста