Сафоратхонаи Тоҷикистон дар Русия аз ташаббуси созмону ташкилотҳо ва соҳибкорони тоҷик дар ин кишвар бобати таъсиси ситоди умумирусиягии кумак ба осебдидагон аз офати табиӣ дар Тоҷикистонро комилан ҷонибдорӣ намуд.
Ба гуфтаи намояндаи расмии сафоратхонаи Тоҷикистон дар Русия Муҳаммад Эгамзод, дар мавриди ин масъала сафири ҶТ дар Русия Имомуддин Сатторов изҳор доштааст, ки имрӯз сокинони чанде аз ноҳияҳои кишвар, ки бар асари офати табиӣ аз ҳама чизашон маҳрум шуданд, аз ҳама бештар ба дастгирӣ ниёз доранд.
«Дар рафъи оқибатҳои офати табиӣ Тоҷикистон ба кумак эҳтиёҷ дошта, дар ин робита мо ин ташаббусро ҳамаҷонба дастгирӣ мекунем ва ба ҳамоҳангсозии кори ин ситод омодаем. Диаспораи мо дар Русия яке аз сершумортаринҳост, миёни мо соҳибкорону тоҷироне ҳузур доранд, ки барои кумак ба аҳолии ниёзманд имкон доранд», - гуфтааст ӯ.
Бо пешниҳоди директори генералии корхонаи коркард ва бастубанди меваи «Исфа-групп»-и Маскав Фахриддин Қурбонов, узви Шӯрои ҷамъияти назди сафорати ҶТ дар Русия Давлатхон Азизов роҳбари ситоди умумирусиягии кумак ба осебдидагон аз офати табиӣ дар Тоҷикистон интихоб шудааст.
Роҳбари ташкилоти ҷамъиятии минтақавии «Помир» Алимамад Боймамадов пешниҳод кардааст, ки нақшаи ташкили корҳои ҷамъоварии воситаҳо тариқи суратҳисобҳои бонкӣ, ки қаблан бо ин мақсад дар Тоҷикистон ифтитоҳ шудаанд, таҳия гардад. Айни замон механизми ҷамъоварӣ ва ирсоли кумаки башардӯстона, аз қабили сарулибос ва ғайра таҳия мешавад.
Видоъ бо Иброҳим Раисӣ дар Душанбе
Мотами миллӣ дар Эрон. Иброҳим Раисӣ кӣ буд, чӣ гуфт ва чӣ кард?
Гумонбарони амали террористӣ дар “Крокус” аз қарори тамдиди муҳлати боздошт шикоят набурданд
Нархи карбамид дар Тоҷикистон ду баробар поин рафт
Дар Осиёи Марказӣ нисбат ба соли гузашта захираи об бештар шудааст
Размикори 5-уми тоҷик дар UFC: ӯ кист ва кай қарордод ба имзо мерасонад?
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Кулли ахбор
Авторизуйтесь, пожалуйста