Тереза Рибейро, намояндаи Созмони Амният ва Ҳамкорӣ дар Аврупо (САҲА) дар умури озодии ВАО, ки 3 то 7-уми октябр бо сафари расмӣ дар Душанбе қарор дошт, дар мулоқот бо намояндагони ниҳодҳои гуногун аз ҳукми 7,5 соли зиндони Абдуллоҳ Ғурбатӣ, яке аз 4 рӯзноманигори се моҳи пеш боздоштшуда, изҳори нигаронии амиқ кардааст.
Дар изҳороте, ки имрӯз ин созмон нашр кард, Тереза Рибейро гуфтааст, “ман аз теъдоди зиёди хабарнигорони зиндонӣ дар Тоҷикистон ва ҳукмҳои тӯлонии зиндон алайҳи онҳо хеле нигаронам. Чунин амалҳо ба кори мутахассисони ВАО дар Тоҷикистон сахт халал мерасонанд ва худсензураро ба вуҷуд меоранд”.
Тереза Рибейро аз он изҳори норозигии амиқ кардааст, ки журналист Абдуллоҳ Ғурбатӣ ба муддати 7,5 сол дар маҳбаси низомаш пурзӯр маҳкум карда шуд.
“Ман аз мақомот даъват мекунам, ки барои ҳама рӯзноманигорон дар кишвар шароити мусоиди корӣ фароҳам оваранд”, - гуфтааст ин намояндаи САҲА.
Ӯ таъкид кардааст, ки мақомоти Тоҷикистон бояд қонунҳои худро комилан ба меъёрҳои байналмилалии озодии ВАО мутобиқ созанд.
“Ман мақомотро ташвиқ мекунам, ки талошҳои худро дар ҳалли мушкилоти марбут ба ВАО мутобиқи ӯҳдадориҳои САҲА оид ба озодии ВАО афзоиш диҳанд. Тибқи ваколати худ, ман омодаам, ки ҳама гуна дастгирии заруриро пешниҳод кунам ва бо мақомот ва дигар ҷонибҳои манфиатдори ВАО дар Тоҷикистон ҳамкорӣ намоям”, - афзудааст Тереза Рибейро.
Тереза Рибейро таъкид намудааст, ки озодии ВАО ҳамчун яке аз рукнҳои демократӣ барои некӯаҳволии ҳамаи кишварҳо ва ҷомеаҳо ниҳоят муҳим аст.
Ин намояндаи САҲА ҳамчунин бо муовини вазири фарҳанг Давлат Сафар, муовини аввали Прокурори генералӣ Абдуғаффор Ҳикматуллозода ва муовини Ваколатдор оид ба ҳуқуқи инсон Миҷгона Бобоҷонзода мулоқот анҷом додааст.
Ҳамин тавр, Тереза Рибейро дар ин вохӯриҳо монеаҳои гуногуни озодии ВАО дар Тоҷикистон, аз қабили амнияти ҷисмонӣ ва ҳуқуқии рӯзноманигорон, ба вижа ба амнияти интернетии рӯзноманигорони зан, аккредитатсияи кормандони ВАО, дастрасӣ ба иттилоот, мубориза бо ифротгароии хушунатомез ва терроризмро баррасӣ кардааст.
Гуфта мешавад, ки Тереза Рибейро бо рӯзноманигорон, ҳомиёни ҳуқуқи ВАО ва дипломатҳо мулоқот карда, масъалаҳои аз байн бурдани ҳар гуна маҳдудиятҳои озодии матбуотро низ ба миён гузоштааст.
Ёдовар мешавем, ки намояндаи САҲА оид ба озодии ВАО раванди фаъолияти расонаҳоро дар ҳамаи 57 кишвари узви САҲА назорат менамояд. Ин намояндагӣ ҳамасола нақзи озодии баён ва озодии ВАО дар кишварҳои гуногунро пайгирӣ карда, ба риояи пурраи ӯҳдадориҳои САҲА оид ба озодии ВАО даъват менамояд.
Кумитаи андоз исми 16 блогерро нашр карда гуфт, онҳо ба "соҳибкории ғайриқонунӣ машғуланд"
Дар орзуи шароити хуби корӣ. Кӯҳнадӯзони Хуҷанд дар барфи зимистону гармои тобистон чӣ кор мекунанд?
Тоҷикистон барои сохтмони пули дарозтарин дар кишвар қарз дарёфт кард
Боздошти як корманди Комиссариати ҳарбӣ барои гирифтани пора дар Темурмалик
Раиси пешин ва нави ҲДТ дар интизори хулосаи Вазорати адлия. Усмонзода аз мандати вакили парлумон маҳрум мешавад?
Қазоқистон ба Тоҷикистон барои таҳсили IT-мутахассисон 100 ваучер дод
Тағйироти кадрӣ: писари Маҳмадсаид Убайдуллоев аз вазифа рафт
Роҳбари ширкатеро, ки автобусаш дар Петербург ба дарё афтод, низ ду моҳ ба ҳабс гирифтанд
Дар Душанбе як зан фарзанди нахустини худро дар "Олуча Такси" ба дунё овард
Даромад аз шағал муҳимтар аз амнияти одамон? Шикояти сокинони маҳаллаи селзадаи Ваҳдат аз хунукназарии масъулин
Кулли ахбор
Авторизуйтесь, пожалуйста