Дар пайи садамаи фоҷеабор ва пурқурбонӣ дар шаҳри Кӯлоб бо иштироки мошини борбари “Дулан” ронандаи он - сокини 37-солаи ноҳияи Рӯдакӣ, дар ҷойи ҳодиса ҷон бохтааст.
“Ҳангоми ҳаракат дар шоҳроҳи “Душанбе-Кӯлоб-Хоруғ” аз ҳудуди ноҳияи Ш.Шоҳин, дар даромадгоҳи шаҳри Кӯлоб бар асари корношоямии тормоз ӯ дигар мошинро идора карда натавонистааст ва дар натиҷа бо суръати бланд ба мошинҳои дигар ва хонаҳое, ки дар канори роҳ ҷойгир аст, бархӯрд”, - иттилоъ медиҳад дафтари матбуоти КҲФ.
Ба иттилои манбаъ, дар ин ҳодиса 10 нафар ҷон бохта, 13 нафари дигар бо ҷароҳатҳои гуногун дар беморхона бистарӣ шудаанд. Ду нафар аз захмиён аз бистарӣ шудан ба беморхона худдорӣ кардаанд.
“Аз 10 нафаре, ки дар садамаи мудҳиш дар Кӯлоб ҷон бохтанд, се нафарашон сокинони хонаҳое будаанд, ки “Дулан” бархӯрд. Ҳафт нафари дигар ронандаҳое мебошанд, ки мошини боркаш онҳоро пахш кардааст. Дар миёни ҳалокшудагон кӯдакон нестанд”, - хабар медиҳад КҲФ.
Дар ҳамин ҳол Радиои Озодӣ бо такя ба сардори Раёсати тандурустии минтақаи Кӯлоб, хабар додааст, ки дар миёни фавтидаҳо як кӯдак ҳам ҳаст.
Ба иттилои КҲФ, дар натиҷаи садама 7 мошин ва 3 хонаи истиқоматӣ зарар дидааст.
Наҷотдиҳандагони Раёсати байниноҳиявии КҲФ дар минтақаи Кӯлоб барои анҷоми корҳо ҷиҳати рафъи оқибати садамаҳои нақлиётӣ ва корҳои наҷотдиҳии фаврӣ сафарбар шуданд.
Наҷотдиҳандагони КҲФ бо истифода аз васоили махсуси фаннӣ ҷасади фатидагон ва захмиёнро аз мошинҳо ва биноҳои харобшуда берун овардаанд.
Ба иттилои ВКД, мошини боркаш ба ширкати “Кафолат Воридоту Содирот” тааллуқ дорад.
Айни ҳол ҳодиса аз ҷониби мақомоти дахлдори Тоҷикистон таҳқиқ мешавад.
Додситонии кулли Тоҷикистон дар робита ба ин ҳордиса парвандаи ҷиноятӣ боз кардааст.
Кумитаи андоз исми 16 блогерро нашр карда гуфт, онҳо ба "соҳибкории ғайриқонунӣ машғуланд"
Дар орзуи шароити хуби корӣ. Кӯҳнадӯзони Хуҷанд дар барфи зимистону гармои тобистон чӣ кор мекунанд?
Тоҷикистон барои сохтмони пули дарозтарин дар кишвар қарз дарёфт кард
Боздошти як корманди Комиссариати ҳарбӣ барои гирифтани пора дар Темурмалик
Раиси пешин ва нави ҲДТ дар интизори хулосаи Вазорати адлия. Усмонзода аз мандати вакили парлумон маҳрум мешавад?
Қазоқистон ба Тоҷикистон барои таҳсили IT-мутахассисон 100 ваучер дод
Тағйироти кадрӣ: писари Маҳмадсаид Убайдуллоев аз вазифа рафт
Роҳбари ширкатеро, ки автобусаш дар Петербург ба дарё афтод, низ ду моҳ ба ҳабс гирифтанд
Дар Душанбе як зан фарзанди нахустини худро дар "Олуча Такси" ба дунё овард
Даромад аз шағал муҳимтар аз амнияти одамон? Шикояти сокинони маҳаллаи селзадаи Ваҳдат аз хунукназарии масъулин
Кулли ахбор
Авторизуйтесь, пожалуйста