Бонки осиёии рушд (БОР) гранти кумаки техникӣ ба маблағи 500 млн долларро ббарои омодагии лоиҳаи сармоягузории минбаъда оид ба таҳкими соҳаи тандурустӣ дар Тоҷикистон тасдиқ кард. Лоиҳа дар нақшаи пешбинишудаи Бонк дар соли 2024 қарор дорад.
Гранти кӯмаки техникӣ маблағгузории иловагиро барои тавсеаи ҳаҷми гранти кунунии 32 млн доллари ИМА омода мекунад, ки аз ҷониби БОР дар соли 2018 барои лоиҳаи “Ҳифзи ҳамгирошудаи солимии модару кӯдак” тасдиқ шудааст. Ин тарҳ ба ҳукумати Тоҷикистон дар беҳбуди хидматрасонии тиббӣ дар ноҳияҳои Файзобод, Рашт ва Шамсиддини Шоҳин кумак мекунад.
Маблағгузории иловагии пешниҳодшуда ба фарогирии хидматрасонии босифати тиббӣ дар се ноҳияи озмоишии дигар – Дарвоза, Данғара ва Айнӣ тавсеъа мебахшад.
Он инчунин ба дастгирии таҳияи сиёсати миллӣ оид ба маблағгузории беморхонаҳо ва рушди захираҳои кадрии бахши тандурустӣ идома медиҳад.
Гранти кӯмаки техникӣ тарҳи техникӣ, нақшаи муфассали хароҷот, таҳлил ва инчунин дастгирии амалҳои пешакӣ ва оғози маблағгузории иловагии пешниҳодшударо омода мекунад.
Тоҷикистон соли 1998 ба Бонки осиёии рушд ҳамроҳ шуд. Дар давоми 25 сол БОР маҷмӯи васеи бахшҳои кишвар, сар аз зерсохтори стратегии роҳ ва энергетика то соҳаи тандурустӣ, рушди малакаҳои корӣ, таъмини амнияти озуқаворӣ, тағйирёбии иқлим ва соҳаи молияро дастгирӣ мекунад. Дар ин давра ба кишвар ба сурати умум дар ҳаҷми 2,5 млрд доллар, аз ҷумла ҳудуди 2 млрд доллар ба сифати грант кумак расонида шудааст.
Стратегияи шарикии БОР бо Тоҷикистон барои солҳои 2021-2025 ба се самти афзалиятнок асос меёбад: ислоҳоти сохторӣ барои беҳбуди тақсимот ва сафарбарии захираҳо, баланд бардоштани ҳосилнокии меҳнат аз ҳисоби рушди сармояи инсонӣ ва мусоидат ба беҳбуди сатҳи зиндагӣ аз ҳисоби сармоягузорӣ ба соҳаҳои иқтисод.
Бонки осиёии рушд соли 1966 таъсис дода шуда, 68 кишвар аъзои он мебошанд, ки 49-тои онҳо дар минтақаи Осиёи ва Уқёнуси Ором ҷойгиранд.
Президенти БАТР бо сафари дурӯза ба Душанбе меояд
“Бегуноҳ аст”. Додгоҳҳои Тоҷикистон давоми 5 сол чанд ҳукми сафедкунанда содир кардаанд?
Амрико барои нигоҳдорӣ ва ҳифзи Панҷакенти куҳан беш аз $186 ҳазор ҷудо кард
Супоридани имтиҳони забони русӣ барои муҳоҷирон сангинтар мешавад
Дар бозӣ барои ҷойи сеюм низ бахти футзалистони тоҷик дар пеналти омад накард
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Кулли ахбор
Авторизуйтесь, пожалуйста