Инфрасохтори шаҳри Душанбе, муҳофизи Тоҷикистон, Абдумалик Абдуллоҷонов, сарбозшикор, роҳи бойшавӣ ва номгузории маҳалҳо дар Бадахшон аз муҳимтарин масоиле будаанд, ки ин ҳафта нашриёти чопи Душанбе ба он таваҷҷуҳ кардаанд.
“Чего не хватает Душанбе” и “Кто защитит Таджикистан”
Бо ин ном ҳафтаномаи “Азия Плюс” дар бораи хадамот ва инфрасохтори барои душанбе муҳим, ки айни ҳол ба таври кофӣ фаъолият намекунанд, мавод интишор кардааст.
Муаллиф менависад, ки сокинони Душанбе аллакай аз шикоят дар бораи камбудиҳо хаста шудаанд, зеро барои зиндагии бароҳат дар пойтахти кишвар иншооту хадамоти зиёд намерасад.
Аз ҷумла, норасоии таваққуфгоҳ барои мошинҳои шахсӣ, нишастгоҳ дар хиёбонҳо, ҳоҷатхонаи муосир дар кӯчаҳои шаҳр, қуттиҳои партов дар ҷойҳои зарурӣ, майдонҳо ва боғҳо навиштааст.
Ҳамчунин, дар матлаби “Кто защитит Таджикистан” оид ба таҳдидҳо аз сӯйи Афғонистон ва зарфияти муқовимати нерӯҳои СААД андешаронӣ шудааст. Муаллиф бо назардошти равандҳои муосири сиёсиву низомӣ дар минтақа ва ҷаҳон, ҳамчунин ҷанги идомадори Русия дар Украина талош кардааст ба ин суол посух пайдо кунад, ки кӣ Тоҷикистонро метавонад аз таҳдидҳои эҳтимолӣ ҳимоя кунад?
Номи маҳалҳои Бадахшон
Рӯзномаи “Ҷумҳурият” (нашри 27.11.2023) мавзӯи бисёр баҳснокро мавриди таҳлил қарор додааст: “ВМКБ: ба маҳалҳо номи аслиашон баргардонида мешавад”.
Муаллифи ин матлаб дар бораи мувофиқат накардани номҳои ҷуғрофии ҳудуди ВМКБ ба меъёрҳои забони давлатӣ навишта, зикр кардааст, ки комиссияи номгузории назди ҳукумати вилоят тасмим гирифтааст, чунин номҳои ҷуғрофӣ ва маҳалҳои аҳолинишин ба меъёрҳои қонуни забони давлатӣ мувофиқ гардонида шаванд. Оё чунин хоҳад шуд ва дар ин бора Алишер Мирзонабот, раиси вилоят чӣ гуфтааст? Дар ин рӯзнома метавонед мутолиа кунед.
“Сарбозшикор” ва “Наҳанги ҷумҳурӣ”
Ҳафтаномаи “Фараж” матлаби асосии худро ин ҳафта ба “Сарбозшикор” бахшидааст. Дар ин матлаб оид ба як мушкили умдаи Артиш кишвар – ҷалби ғайриқонунии ҷавонон ба хидмати ҳарбӣ андешаронӣ шуда, аз Дилрабо Самадова, ҳуқуқшиноси шинохтаи тоҷик ба саволи оё метавонад мавсими даъват ба артиш бе “облава” оғоз ва анҷом ёбад посух гирифтааст.
Посухи Дилрабо Самадова чӣ аст, метавонед аз ин матлаб пайдо кунед.
Яке аз матлабҳои ҳафтаномаи “СССР”, ки Бахтиёр Муртазо, нависандаи халқии Тоҷикистон навиштааст, ба Абдумалик Абдуллоҷонов, собиқ вазири ғалла, сарвазири кишвар ва тиҷорати ӯ бахшида шуда, зери унвони “Наҳанги ҷумҳурӣ”-2 интишор ёфтааст.
Ҳафтаномаи “Тоҷикистон” бошад, бо тоҷир Саидмурод Давлатов мусоиба ороста “Чанд роҳи сарватмандшавӣ”-ро муайян ва пешкаши хонанда кардааст. Ин кадом роҳҳо аст? Метавонед пас аз хондани мусоҳиба маълум кунед.
Видоъ бо Иброҳим Раисӣ дар Душанбе
Мотами миллӣ дар Эрон. Иброҳим Раисӣ кӣ буд, чӣ гуфт ва чӣ кард?
Гумонбарони амали террористӣ дар “Крокус” аз қарори тамдиди муҳлати боздошт шикоят набурданд
Нархи карбамид дар Тоҷикистон ду баробар поин рафт
Дар Осиёи Марказӣ нисбат ба соли гузашта захираи об бештар шудааст
Размикори 5-уми тоҷик дар UFC: ӯ кист ва кай қарордод ба имзо мерасонад?
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Кулли ахбор
Авторизуйтесь, пожалуйста