Қаблан хабар дода будем, ки сокинони минтақаҳои гуногуни ҷумҳурӣ аз риоя нагардидани реҷаи ваъдашудаи маҳдудияти барқ ё худ лимит дар моҳи Рамазон арзу шикоят доранд. Ин дафъа мо кӯшиш кардем, ки ба сохторҳои марбутаи шаҳрӣ ва минтақавӣ муроҷиат намуда, вазъиятро шарҳ диҳем. Лекин талошҳоямон бенатиҷа анҷом ёфтанд - тамос гирифтан бо онҳо ғайриимкон аст.
Дар муддати ду рӯз “Азия-Плюс” кӯшиш кард, ки бо намояндагони шабакаҳои барқӣ дар тамос шавад, лекин бенатиҷа. Аз ҷумла, ба шабакаи барқи Истаравшан, Панҷакент, Турсунзода ва вилояти Хатлон занг задем, лекин ба зангҳо ё ҷавоб надоданд, ё телфеон муддати тӯлонӣ банд буд ва ё он умуман кор намекард.
Муяссар шуд, ки танҳо бо корманди Шабакаҳои барқи шаҳри Хуҷанд гуфтугӯ кунем.
Сабаби риоя нашудани реҷаи таъминот бо барқро ӯ шарҳ надод, лекин изҳор намуд, ки дар Хуҷанд барқ аз соати 18:00 то 21:00 ва субҳ аз соати 04:00 то 07:00 интиқол дода мешавад.
Дар ҳамин ҳол, сокинон мегӯянд ин тавр нест ва барқ бамаротиб камтар дода мешавад, ҳарчанд ҳатто ин 6 соат ҳам ба ваъдаи додашуда дар моҳи Рамазон мувофиқ нест.
Ёдрас мекунем, ки дар арафаи оғози моҳи шарифи Рамазон, мудири кулли ҶСК “Шабакаҳои тақсимоти барқ” Арвинд Гуҷрал бо ирсоли як барқия аз зердастонаш хост, ки дар моҳи Рамазон аҳолии Тоҷикистон 8 соат (4 соат субҳ - 04:00 - 08:00 ва 4 соат шом - 17:00-21:00) бо барқ таъмин шаванд.
Тавре ки сокинон аз минтақаҳои гуногун хабар медиҳанд, чунин реҷа қариб риоя нагардад ва дар минтақаҳо дар як шабонарӯз 3-4 соат ё 4-5 соат барқ дода мешавад.
Сироҷиддин Муҳриддин гуфтааст, изҳороти Сергей Лавров “бо вазъи воқеӣ мувофиқат намекунад”
Даргузашти муҷассамасози шинохта Игор Иванов
Баъди супоридани нота Сергей Лавров ба Сироҷиддин Муҳриддин занг зад
Як “эстакада”-и Душанбе бо беш аз 28 млн евро қарзи БАТР сохта мешавад
Дар робита ба таҷлили Иди ғалаба ва Рӯзи ваҳдати миллӣ реҷаи корӣ тағйир меёбад
20 сол чашминтизори шавҳари муҳоҷир. Чаро Марҳаборо “Зани оҳанӣ” мегӯянд?
Ифтитоҳи парвандаи ҷиноятӣ бар зидди як мансабдори ҳукумати Исфара
Даҳбеди Самарқанд: Аз пайравии нақшбандия то се мавҷи муҳоҷират
Эмомалӣ Раҳмон: “Аз ҳамкорӣ бо БАТР умедвориҳои калон дорем”
“Русия бояд уҳдадориҳояшро иҷро кунад!”. Як созмони ҷаҳонӣ ва ҳуқуқшиносони тоҷик шиканҷаи гумонбарони “Крокус”-ро маҳкум карданд
Кулли ахбор
Авторизуйтесь, пожалуйста