Заминларзаи шадид дар Непал яке аз шаҳрҳои қадимаи кишвар Бхактапурро вайрону валангор намуд. Офати табиӣ ҳамчунин дар пойтахти мамлакат шаҳри Катманду низ харобиҳои зиёдро дар пай овард.
Бино ба иттилои сомонаи шабакаи телевизиони «Ҷаҳоннамо», аз рӯйи маълумоти охирин бар асари зилзилаи мудҳиш, ки як ҳафта қабл ба амал омада буд, беш аз 6 ҳазору 200 нафар ба ҳалокат расида, теъдоди захмиён аз марзи 14 ҳазор кас ҳам гузашт. Ҳамзамон то ҳол аз тақдири ҳазорҳо аврупоии ба ин ҷо сафаркарда ягон маълумот дастрас нест. То ин дам марги 12 нафар шаҳрванди Аврупоро бо далелҳои шайъӣ мушаххас намуданд.
Баъди гузаштани беш аз як ҳафта аз заминларзаи мудҳиш корҳои кофтукобӣ ва наҷотдиҳӣ дар ҳоли анҷомёбист. Аммо нафаронеро, ки аз ин офат ҷон ба саломат бурдаанд, хатари нав-бемориҳои гуногун таҳдид мекунад. Ҷасади нафаронеро, ки то ҳол наздикону пайвандонашон суроғ накардаанд, бо маҳлулҳои махсус мумиёӣ карда, дар кӯча гузоштаанд, то соҳибонашон онҳоро шинохта ба хок супоранд.
Тибқи маълумоти намояндагони Созмони Милали Муттаҳид айни ҳол беш аз 2 миллион нафар ба кумакҳои аввалия, аз қабили, маводи озуқа, оби нӯшокӣ, хаймаҳои муваққатӣ ва доруворӣ сахт эҳтиёҷ доранд. Дар маҷмӯъ заминларзаи мудҳиш ба беш аз 8 миллион нафар зарар расондааст.
Заминларзаи мазкур дар Непал ба вуқӯъ омадаро мудҳиштарин давоми 80 соли ахир унвон мекунанд. Бино ба изҳороти вазири молияи кишвар барои бартараф кардани оқибатҳои харобиовари зилзила 2 миллиард доллар лозим аст.
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Боз 47 зану кӯдаки тоҷикро аз Сурия ба Тоҷикистон баргардониданд
Кулли ахбор
Авторизуйтесь, пожалуйста