Сафорати Русия дар Душанбе бо нашри изҳорот аз хориҷиёни муқими Русия, аз ҷумла тоҷикон даъват кард, ки ба ҳар гуна маълумоти паҳншуда ва нодуруст дар бораи сафарбарии ҷузъӣ ба сафи артиши ин кишвар,бовар накунанд.
Дар изҳорот гуфта мешавад, ки хабарҳо оид ба ҷалби муҳоҷирон ба сафарбарии ҷузъӣ дар Русия асоси воқеӣ надорад ва муҳоҷирон набояд ба он дода шаванд.
“Ин гуна маълумотҳо асоси воқеӣ надоранд ва ба хотири тира кардани муносибати Русия бо дигар давлатҳо паҳн карда мешаванд”, -гуфта мешавад дар изҳороти Сафорати Русия дар Душанбе.
Сафорат аз муҳоҷирони муқими Русия, аз ҷумла тоҷикон хоҳиш кардааст, ки “ба ҳар гуна иғво бовар накарда, танҳо ба маълумоти расмӣ эътимод намоянд”.
Гуфтан ба маврид аст, ки пас аз эълони сафарбарии ҷузъӣ дар Русия оид ба ҷалби муҳоҷирон ба сафи артиши ин кишвар маълумотҳои зиддунақиз паҳн гардиданд. Пас аз ин сафоратҳои чандин кишварҳои Осиёи Марказӣ бо нашри изҳорот аз шаҳрвандони худ даъват намуданд, ки аз иштирок дар муноқишаҳои низомӣ дар кишварҳои дигар худдорӣ кунанд, чун барои ин дар кишварҳои аслиаашон ҷазои ҷиноятӣ пешбинӣ шудааст.
Аз ҷумла, Сафорати Тоҷикистон дар Маскав ва Вазорати меҳнат, муҳоҷират ва шуғли аҳолии Тоҷикистон аз шаҳрвандони Тоҷикистон даъват кард, ки ба ҷанг дар қаламрави давлати хориҷа нараванд ва дар сурати зарурат, ба сафорат, консулгариҳо ва намояндагиҳои Вазорати меҳнат, муҳоҷират ва шуғли аҳолии Тоҷикистон дар Русия муроҷиат кунанд.
Дар орзуи шароити хуби корӣ. Кӯҳнадӯзони Хуҷанд дар барфи зимистону гармои тобистон чӣ кор мекунанд?
Тоҷикистон барои сохтмони пули дарозтарин дар кишвар қарз дарёфт кард
Боздошти як корманди Комиссариати ҳарбӣ барои гирифтани пора дар Темурмалик
Раиси пешин ва нави ҲДТ дар интизори хулосаи Вазорати адлия. Усмонзода аз мандати вакили парлумон маҳрум мешавад?
Қазоқистон ба Тоҷикистон барои таҳсили IT-мутахассисон 100 ваучер дод
Тағйироти кадрӣ: писари Маҳмадсаид Убайдуллоев аз вазифа рафт
Роҳбари ширкатеро, ки автобусаш дар Петербург ба дарё афтод, низ ду моҳ ба ҳабс гирифтанд
Дар Душанбе як зан фарзанди нахустини худро дар "Олуча Такси" ба дунё овард
Даромад аз шағал муҳимтар аз амнияти одамон? Шикояти сокинони маҳаллаи селзадаи Ваҳдат аз хунукназарии масъулин
Ҳасрати зан ё шуҳрат? Ҳарзасароӣ дар шоу-бизнеси тоҷик
Кулли ахбор
Авторизуйтесь, пожалуйста