Вазорати фарҳанги ҷумҳурӣ ҳақмузди актёрони куҳансолро ним баробар кам кард. Агар онҳо қаблан ба ҳисоби миёна дар ҳаҷми 300 сомонӣ ҳақмузд мегирифтанд, пас айни замон он то ба 150 сомонӣ кам карда шуд. Дар ин бора ба ОИ «Азия-Плюс» аз Вазорати фарҳанги кишвар хабар доданд.
Бино ба иттилои манбаъ, ин иқдом баҳри ҷалби ҳунармандони ҷавон ба театр пеш гирифта шуда, ҳаҷми ҳақмузди онҳо зиёд шуд. «Хатмкардагони Донишкадаи ҳунарҳои зебо ба театрҳо ба кор намераванд, чунки музди меҳнат онҳоро қонеъ намесозад. Аз ин рӯ, тасмим гирифта шуд, ки ҳақмузди актёрони синнусоли аз 70-сора боло 50% кам гардида, музди меҳнати актёрони ҷавон ба ҳисоби миёна то 550 сомонӣ расонида шавад», - гуфтанд дар вазорат.
Зикр гардид, ки актёрони куҳансол барои иҷрои нақшҳо дар намоишномаҳои театрӣ дар ҳаҷми пурра гонорар хоҳанд гирифт. «Албатта, актёрони ҷавон базудӣ актёрони куҳансолро иваз карда наметавонанд, вале минбаъд онҳо бояд ҳунармандони пешсафи театрҳо шаванд», - хабар дод сарчашма.
Дар ҳамин ҳол, актриса Нисо Маҳмадҷонова дар рбита ба ин масъала изҳор кард, ки нисбати онҳо чунин амал таҳқир аст. Ба гуфтаи ӯ, истеъдодҳое ба монанди Хайрӣ Назарова, Носир Ҳасанов ва дигарон тамоми умр бахри рушди театри тоҷик кӯшиш ба харҷ додаанд.
«Кормандони театр шахсони хеле зудранҷанд ва чунин қарорҳо метавонад ба саломатии онҳор зараровар бошад», - гуфт ӯ.
Номбурда илова кард, ки дар театри ба номи Лоҳутӣ, ки дар он бештар актёрони куҳансол фаъолият доранд, метавонист ин мушкилотро дар дохили театр ҳал намояд.
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Кулли ахбор
Авторизуйтесь, пожалуйста