Корхонаҳои саноати сабуки вилояти Суғд, ки ба коркарди амиқи нахи пахта машғуланд, ба тавсеаи бозори фурӯши маҳсулоти худ имкон надоранд ва аз ин рӯ, бо иқтидори аз нисф камтар кор мекунанд.
Тавре ба ОИ «Азия-Плюс» аз шӯъбаи энергетика ва саноати ҳукумати вилояти Суғд хабар доданд, айни замон дар минтақа 12 корхонаи истеҳсоли ришта, матоъ ва маснӯоти дӯзандагӣ фаъолият доранд ва соли гузашта ин корхонаҳо дар маҷмӯъ истеҳсоли маҳсулотро нисбат ба соли 2010 ба андозаи 27,4% зиёд карданд.
«Таҳлил нишон дод, ки ин корхонаҳо ба ҳисоби миёна танҳо аз 14,2%-и иқтидори умумиашон истифода бурдаанд. «Айни замон дар вилояти Суғд барои коркарди то 32 ҳазор тонна нахи пахта дар як сол шароит фароҳам аст, вале ба истифодаи иқтидорҳои истеҳсолӣ бозори фурӯши маҳсулот таъсигузор аст, аз ин рӯ, вазифаи асосии истеҳсолкунандагон тавсеаи бозори фурӯш дар хориҷи кишвар аст», - гуфт манбаъ.
Ба гунаи мисол манбаъ дар бораи нишондиҳандаҳои истеҳсолии ҶДММ «Нику-Хуҷанд» маълумот пеш овард. «Соли ҷорӣ дар ин корхона 300 тонн нахи пахтаро коркард карданианд, ҳарчанд иқтидори истеҳсолии корхона ба коркарди то 3 ҳазор тонна пахта дар як сол баробар аст. Сабаб – мавҷуд набудани бозори фурӯш мебошад. Мушкилоти дигар болоравии қиммати пахта соли гузашта дар бозори ҷаҳонӣ буда, ба корхона харидани пахта бо нархи баланд ва сипас фурӯхтани ришта ба шарикони русиягиву туркӣ бо нархи пештара манфиатовар нест. Соли 2011 корхона ба маблағи 1 млн. 331 ҳазор сомонӣ маҳсулот истеҳсол кард, ки 36% аз ҳаҷми соли 2010-ро ташкил медиҳад», - афзуд манбаъ.
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Кулли ахбор
Авторизуйтесь, пожалуйста