Душанбе. 1-уми июл. ОИ «Азия-Плюс» - Ҳамкорони собиқ роҳбари КВДҲ «Тоҷик Эйр» овозаҳои ҷойдошта нисбат ба Ҳокимшо Тиллоевро беасос мехонанд.
Онҳо мегӯянд, ҳангоме ки Ҳокимшо Тиллоев вазифаи роҳбарии ширкатро қабул кард, қарзҳои ширкат дар назди корхонаву ташкилотҳои гуногун беш аз 20 млн. доллари ИМА-ро ташкил медод ва зимни фаъолияти ӯ аз моҳи январи соли 2006 то ноябри соли 2008 ширкат пурра қарзҳояшро пардохт намуда, соли 2006 – 19 млн. сомонӣ ва соли 2007 – зиёда аз 52 млн. сомонӣ фоида ба даст оварда, музди меҳнати коргарон 2-4 маротиба зиёдтар шудааст. Дар давраи роҳбарии Ҳ.Тиллоев Тоҷикистон бори нахуст ҳавопаймоҳои навъи «Боинг» харидорӣ намуда, зерсохтори фурудгоҳ тармиму таҷдид гардид. Ҳамчунин дар ҳамдастӣ бо гурӯҳи нерӯҳои низомии фаронсавии мустақар дар фурудгоҳ майдони нишасту парвоз, терминали қабули мусофирон аз таъмир бароварда шуданд
Ба қавли ҳамкорони Ҳ.Тиллоев, ӯ зимни иҷрои вазифа бо фиребгарону қаллобон сарукор надошт ва маҳз барои он ӯро тӯҳмат кардаанд. «Парвандаи ҷиноӣ нисбат ба Ҳ.Тиллоев на барои фаъолияташ дар мансаби роҳбари ширкат, балки аз рӯи аризаи шаҳрванд Бурҳониддин Толибов – роҳбари ҶСК «Зелёний билет» боз шудааст ва мо бо боварии комил гуфта метавонем, ки ин шахс нисбат ба Ҳ.Тиллоев хусумати шахсӣ дорад», - гуфтанд онҳо.
Ҳамкорони собиқи Ҳ.Тиллоев ҳамчунин гуфтанд, рӯзҳои наздик мақомоти дахлдор бепоя будани гуноҳҳои ба ӯ нисбатдодашударо собит хоҳанд кард. Хабарнигори ОИ «Азия-Плюс» бо худи Ҳ.Тиллоев дар тамос шуд, вале ӯ аз шарҳи овозаҳои нисбат ба худаш ҷойдошта худдорӣ намуд.
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Кулли ахбор
Авторизуйтесь, пожалуйста