Агентии назорати давлатии молиявӣ ва мубориза бо коррупсияи Тоҷикистон дар бораи ҷузъиёти қазияи боздошти прокурор дар вилояти Суғд хабар дод.
Тавре ба ОИ «Азия-Плюс» аз Агентии мазкур хабар доданд, нисбат ба прокурори шӯъбаи назорати тафтишоти пешакии прокуратураи вилояти Суғд Меҳроҷ Бобоумаров мутобиқи моддаҳои 319, қ. 4 (Гирифтани пора), 320, қ. 2 (Додани пора) ва 345 қ. 3 (Монеъ шудан ба татбиқи адолати судӣ, таҳқиқи ибтидоӣ ва тафтиши пешакӣ)-и Кодекси ҷиноии ҶТ парвандаи ҷиноӣ боз шудааст.
«Муайян карда шудааст, ки моҳи ноябри соли гузашта Меҳроҷ Бобоумаров ҳамчун шахси мансабдор дар назди бинои прокуратураи вилоятӣ бо шахсе вохӯрдааст, ки қаблан аз ҷониби суд барои содир намудани ҷиноят ба муддати 2 сол маҳкум шуда буд. Зимни вохӯрӣ прокурор огаҳ гаштааст, ки ҳамсӯҳбаташ аз болои ҳукми суд ба суди вилоятӣ шикояти кассатсионӣ пешниҳод карданист. Аз ин рӯ, ӯ пешниҳод кардааст, ки ба ивази 2,5 ҳазор доллари ИМА «масъала»-ро ба таври мусбат ҳал месозад», - гуфтанд дар агентӣ.
Ба иттилои манбаъ, пас аз чанд рӯз Бобоумаров маблағи зикршударо гирифтааст, вале 14-уми декабр бо қарори суди вилоятӣ ҳукми суд нисбат ба шаҳрванд бетағйир боқӣ гузошта шуда, шикояти кассатсионӣ қонеъ нагардидааст.
«Ба Бобоумаров лозим омад, ки 2,5 ҳазор доллари ИМА-ро бозпас баргардонад, вале баъди як моҳ ӯ бори дигар пешниҳод кардааст, ки бо ҳамин маблағ «ин дафъа масъаларо ҳатман ба таври мусбат ҳаллу фасл мекунад», - гуфт манбаъ.
Кормандони Агентии зиддифасоди вилояти Суғд Бобоумаровро ҳангоми гирифтани 2 ҳазор доллари ИМА ба сифат пора бо далели шайъӣ дастгир намуданд. Тафтишоти парвандаи мазкур идома дорад.
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Кулли ахбор
Авторизуйтесь, пожалуйста