Чанде қабл дар Ню-Йорк Иҷлосияи 67-уми Маҷмаъи кулли Созмони Милали Муттаҳид ба кор шурӯъ кард.
Рӯзномаи иҷлосия беш аз 150 масоил, аз ҷумла мусоидат ба рушди устувори кишварҳо, таъмину дастгирии сулҳу амният, риояи реҷаи пешгирии паҳншавии аслиҳаи ҳастаӣ, дифоъ аз ҳуқуқи инсон ва рушди ҳуқуқи байнулмилалиро дар бар мегирад.
Зимни суханронӣ дар маросими ифтитоҳ раиси иҷлосия, собиқ вазири корҳои хориҷии Сербия Вук Еремич изҳор дошт, ки тайи 12 моҳи минбаъда масъалаи бо роҳи сулҳу салоҳ танзим ё ҳал намудани баҳсҳои байнулмилалӣ дар маркази таваҷҷуҳ қарор хоҳад дошт.
Ӯ дарёфти воситаҳои ҳарчи зудтар ҳал гардидани мушкилоти ҳифзи ҳуқуқи занону кӯдакон ва маъюбону аҳолии бумӣ, таҳкими мубориза бо терроризмро таъкид дошта, иброз дошт, ки дар давраи раёсати ӯ конвенсияи фарогиру ҳамаҷониба оид ба терроризм ба тасвиб хоҳад расид. «Маҷмаъи кулли СММ чун пештара дар пешбурду ҳифзи ҳуқуқи инсон нақши муҳим хоҳад дошт», - гуфт ӯ.
Дар навбати худ Дабири кулли СММ Пан Ги Мун гуфт, иштирокчиёни иҷлосияро лозим меояд, ки мушкилоти зиёди таъхирнопазири глобалии марбут ба пешбурди рушди устувор, бекорӣ, афзоиши нобаробарӣ, ташаннуҷ ва таҳаммулнопазирӣ дар саросари ҷаҳонро мӯшикофона бараасӣ намоянд.
Пан Ги Мун аз пешниҳоди раиси иҷлосияи 67-уми Маҷмаъи кулли СММ бобати дар маркази таваҷҷуҳ қарор доштани масъалаи бо роҳи сулҳу салоҳ танзим ё ҳал намудани баҳсҳои байнулмилалӣ истиқбол намуд.
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Кулли ахбор
Авторизуйтесь, пожалуйста